ក្រុមការងារគណៈកម្មាធិការជាតិគ្រប់គ្រងគ្រោះមហន្តរាយ ប្រគល់អំណោយជូនប្រជាពលរដ្ឋដែលមានជីវភាពខ្វះ រងគ្រោះដោយទឹកជំនន់ នៅទីទួលសុវត្ថភាពផ្លូវវាងក្រុង ក្នុងស្រុកមង្គលបូរី
ខេត្តបន្ទាយមានជ័យ៖ដើម្បីឆ្លើយតបសង្រ្គោះបន្ទាន់ជូនគ្រួសារដែលមានជីវភាពខ្វះ ដែលរងគ្រោះដោយទឹកជំនន់ ដែលកំពុងជម្លៀសមកកាន់ទីទួលសុវត្តិភាពផងនោះ ឯកឧត្តម គឹម វីរៈ ទីប្រឹក្សា គណៈកម្មាធិការជាតិគ្រប់គ្រងគ្រោះមហន្តរាយ និងលោកស្រី ក្លែ ខន់នែន (CLAIRE CONAN) ប្រធានអង្គការស្បៀងអាហារពិភពលោកប្រចាំប្រទេសកម្ពុជា អមដំណើដោយឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ លោក លី សារី ប្រធានក្រុមការងារខេត្ត ចុះជួយស្រុកមង្គលបូរី រួមជាអភិបាលស្រុកមង្គលបូរី និងកងកម្លាំង អាជ្ញាធរភូមិ ឃុំ នៅព្រឹកថ្ងៃទី១៩ ខែតុលា ឆ្នាំ២០២១ អញ្ជើញចុះសួរសុខទុក្ខ និងនាំយកអំណោយរបស់សម្តេចតេជោ នាយករដ្ឋមន្ត្រី និងសម្តេចកិត្តិព្រឹទ្ធិបណ្ឌិត ផ្តល់ជូនប្រជាពលរដ្ឋចំនួន៨៦គ្រួសារ ដែលមានជីវភាពខ្វះ រងគ្រោះដោយទឹកជំនន់ ដែលកំពុងបន្តការស្នាក់នៅទីទួលសុវត្ថិភាពផ្លូវវាងក្រុង ស្ថិតនៅឃុំបត់ត្រង់ ក្នុងស្រុកមង្គលបូរី។
លោកស្រី ក្លែ ខន់នែន (CLAIRE CONAN) បានលើកឡើងថា៖ អង្គការស្បៀងអាហារពិភពលោកប្រចាំប្រទេសកម្ពុជា គឺជាភ្នាក់ងាររបស់អង្គការសហប្រជាជាតិមានវត្តមាននៅប្រទេសកម្ពុជា ជាវិស័យសាសនា ហើយការងារសំខាន់របស់អង្គការគឺផ្តោតទៅលើការត្រៀម និងការឆ្លើយតបចំពោះគ្រោះមហន្តរាយនៅប្រទេសកម្ពុជា ហើយអង្គការនេះទទួលបានថវិការពីប្រទេសអាល្លឺម៉ង់ និងពីសហរដ្ឋអាមេរិក ក្នុងការឆ្លើយតបផ្តល់ជំនួយដល់ប្រជាពលរដ្ឋដែលរងគ្រោះទឹកជំនន់ ជាពិសេសបានផ្តល់ជាសាច់ប្រាក់ជូនបងប្អូនប្រជាពលរដ្ឋយើងក្នុងខេត្តបន្ទាយមានជ័យបានមួយចំនួនហើយដែរ។
ជាមួយគ្នានោះដែរឯកឧត្តម អ៊ុំ រាត្រី បានថ្លែងកោតសសើរចំពោះ កាយវិការ និងសន្ដានចិត្តប្រកបដោយមនុស្សធម៌ពេលនេះ របស់ក្រុមការងារគណៈកម្មាធិការជាតិគ្រប់គ្រងគ្រោះមហន្តរា និងអង្គការស្បៀងអាហារពិភពលោកប្រចាំប្រទេសកម្ពុជា ដែលបានចូលរួមចំណែកជាមួយ រាជរដ្ឋាភិបាល ក្នុងការគៀគររកថវិការក្នុងការជួយដល់ គ្រួសារដែលមានជីវភាពខ្វះដែលរងគ្រោះដោយទឹកជំនន់។សម្រាប់សម្ភារៈអំណោយដែលត្រូវផ្តលជូននាពេលនេះរួមមាន៖អង្ករ២០គីឡូក្រាម ,មី ១កេស ,ទឹកត្រី១យួរ ,ទឹកស៊ីអ៊ីវ១យួរ និងត្រីខ ១យួផងដែរ៕
