ទំនិញខូចគុណភាព និងហួសកាលបរិច្ឆេទប្រើប្រាស់ សរុបចំនួន១២៧.៦៥គីឡូក្រាម ត្រូវបានមន្ត្រីជំនាញសាខា ក.ប.ប. ខេត្តបន្ទាយមានជ័យ ដកហូតយកនៅផ្សារសមាគមន៍ ក្រុងប៉ោយប៉ែត
ខេត្តបន្ទាយមានជ័យ៖នៅថ្ងៃទី១៩ ខែតុលា ឆ្នាំ២០២១មន្ត្រីស៊ើបអង្កេតសាខា ក.ប.ប.ខេត្ត បន្ទាយមានជ័យ ដឹកនាំដោយលោក សាន វិជ្ជាសារ៉ាវុធ ប្រធាន សាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប)ខេត្តបន្ទាយមានជ័យ បន្តចុះត្រួតពិនិត្យ និងដកហូតបាននូវផលិតផលខូចគុណភាព និងហួសកាលបរិច្ឆេទប្រើប្រាស់ នៅផ្សារសមាគមន៍ ស្ថិតនៅក្នុងភូមិចាន់គីរី សង្កាត់/ក្រុងប៉ោយប៉ែត ខេត្តបន្ទាយមានជ័យ។
លោក សាន វិជ្ជាសារ៉ាវុធ បានឲ្យដឹងថា ជំនាញ(ក.ប.ប.)មានតួរនាទីសំខាន់ណាស់ក្នុងការពិនិត្យនិងទប់ស្គាត់ទៅលើ ផលិតផលខូចគុណភាព និងហួសកាលបរិច្ឆេទប្រើប្រាស់ ដើម្បីការពារសុវត្ថិភាពអ្នកប្រើប្រាស់ ពិសេសអ្នកទទួលទាន ហើយលោកនូវតែបន្តដឹកមន្ត្រីរបស់លោកចុះត្រូតពិនិត្យនៅតាមផ្ទះ ក៏ដូចជាតាមតូប ក្នុងផ្សារនីមួយៗនៅក្នុងភូមិសាស្ត្រខេត្តបន្ទាយមានជ័យឲ្យដូចភ្លៀងរលឹម។
លោក សាន វិជ្ជាសារ៉ាវុធ បញ្ជាក់ថា ផលិតផលខូចគុណភាព និងហួសកាលបរិច្ឆេទប្រើប្រាស់ ដែលត្រូវបានជំនាញយើងដកហូតបានរួមមាន៖
- សណ្តែក បំពង Tang Sok Hak ចំនួន ១០៩កញ្ចប់ ស្មើ ៣.០៥២គីឡូក្រាម
- ទឹកក្រូច Coca Cola ចំនួន ១៤៥ដប ស្មើ ៨៧លីត្រ
- ម្សៅ ស៊ុប Knor ចំនួន ១១០កញ្ចប់ ស្មើ ១.៨៧គីឡូ ក្រាម
- មី ម៉ាម៉ា កំប៉ុង ចំនួន ៧២កំប៉ុង ស្មើ ៤.៣២គីឡូក្រាម
- ស្ករ Milky Vitamin ចំនួន ៣កំប៉ុង ស្មើ ១.៥គីឡូ ក្រាម
- ទឹកក្រូច ចម្រុះ ដបធំ ចំនួន ១៤ដប ស្មើ ១៧.៥ លីត្រ
- ភេសជ្ជៈ Aqurius ចំនួន ៤កំប៉ុង ស្មើ ១.៣២លីត្រ
- ភេសជ្ជៈ Spite ចំនួន ៤កំប៉ុង ស្មើ ១.៣២លីត្រ
- ទឹក ដោះ គោ Dutch Mill ចំនួន ១ដប ស្មើ ០.៤លីត្រ
- ទឹកក្រូច Fanta ដប តូច ចំនួន ១០ដប ស្មើ ៤.៥លីត្រ សរុបចំនួន១២៧.៦៥គីឡូក្រាម។
លោកបញ្ជាក់ទៀតថា ក្នុងសកម្មភាពចុះពិនិត្យនេះដែរមន្រ្តីស៊ើបអង្កេតបានធ្វើការពិន័យអន្តរការណ៍ ដោយសរសេរបង្កាន់ដៃបង់ប្រាក់ នៅនឹងកន្លែងទៅអោយបុគ្គលល្មើសចំនួន៣នាក់ ស្មើ៣ច្បាប់ ផងដែរ។
ជាមួយគ្នានោះដែរលោក សាន វិជ្ជាសារ៉ាវុធ នៅតែបន្តអំពាវនាវដល់បងប្អូនប្រជាពលរដ្ឋទាំងអស់ មុនទិញទំនិញ ពិសេសចំណីអាហារ ត្រូវពិនិត្យឲ្យបានត្រឹមត្រូវនូវគុណភាព និងថ្ងៃខែបរិច្ឆេទប្រើប្រាស់ ជៀសវាងទិញចំលើណីរខួចគុណភាព និងកាលបរិច្ឆេទ ជាហេតុធ្វើឲ្យប៉ះពាល់ដល់សុខភាព៕