យុទ្ធសាស្ត្រឈ្នះឈ្នះរបស់សម្តេចតេជោ បានប្រែក្លាយតំបន់ជាយដែនដែលជាតំបន់សង្គ្រាមស៊ីសាច់ហុតឈាម ក្លាយជាតំបន់សេដ្ឋកិច្ច ទេសចរណ៍ និងការអភិវភិវឌ្ឍន៍លើគ្រប់វិស័យ
ខេត្តបន្ទាយមានជ័យ៖ដោយក្រោមការដឹកនាំដ៏ឈ្លៀសវៃរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្រោមគោលនយោបាយឈ្នះឈ្នះ បានធ្វើឲ្យតំបន់ជាយដែន ស្រុកម៉ាឡៃ ដែលជាតំបន់សង្គ្រាមស៊ីសាច់ហុតឈាម ផ្ទៃដីមួយចំនួនគ្របទៅដោយគ្រាប់យុទ្ធភណ្ឌ ប្រជាពលរដ្ឋរស់នៅដោយភាពភ័យក្លាច និងមានជីវភាពលំបាក បច្ចុប្បន្នប្រែក្លាយទៅជាតំបន់សេដ្ឋកិច្ច ទេសចរណ៍ និងការអភិវភិវឌ្ឍន៍លើគ្រប់វិស័យ។
ជាកស្តែងនៅឃុំទួលពង្រ ស្រុកម៉ាឡៃ ខេត្តបន្ទាយមានជ័យមានក្រុមហ៊ុនប៉ាង ណាគ្រី រៀលអ៊ីស្ទេត ឯ.ក បាននឹងកំពុងធ្វើការអភិវឌ្ឍន៍លើគ្រប់វិស័យមានទាំងហេដ្ឋារចនាសម្ព័ន្ធ ផ្លូវថ្នល់ ទឹក ភ្លើង ប្រព័ន្ធលូ និងសួនកំសាន្ត ពិសេសបង្កើតរោងចក្រ កាស៊ីណូ សាលាបច្ចេកទេស ព្រមទាំងមានសង់វីឡាលក់ ពុះដីឡូលក់ក្នុងតម្លៃទាប អាចបង់រំលស់បាន ក្នុង១ល្វែងទំហំ៥ម៉ែត្រគុណ២០ម៉ែត្រ បង់ក្នុងមួយខែត្រឹមតែ១០ម៉ឺនរៀល ហើយចេញប្លង់រឹង និងចាក់ដីកម្ពស់២ម៉ែត្រកន្លះជូនថែមទៀតផង ដើម្បីកាត់បន្ថយភាពក្រីក្ររបស់ប្រជាពលរដ្ឋ ឲ្យមានការងារធ្វើមិនចាំបាច់ចំណាក់ស្រុកទៅក្រៅប្រទេស។
លោកជំទាវ ប៉ាង ណាគ្រី អគ្គនាយិកាក្រុមហ៊ុនប៉ាង ណាគ្រី រៀលអ៊ីស្ទេត ឯ.ក បានឲ្យដឹងថា បច្ចុប្បន្នក្រុមហ៊ុនកំពុងបង្កើតរោងចក្របានចំនួន៤រួមមានៈ១-រោចក្រផលិតដែកទីប , ២-រោងចក្រផលិតចំណីសត្វ ភាគហ៊ុនជាមួយភាគីថៃ ដែលគេកំពុងធ្វើ និងកំពុងតម្លើង អាចរួចរាល់ដំណើការក្នុងអំឡុងខែមករា ខាងមុខនេះ ,៣- រោកចក្រក្លាសេ ដែលកំពុងដំណើការ អាចដាក់បានចំនួន៣ពាន់តោន ហើយរាល់កសិផលយើងធ្វើបានអាចបញ្ជូនមកដាក់ រួចដឹកបញ្ជូនទៅតាមបណ្តាលខេត្តផ្សេងៗ ដោយមិនខូចគុណភាព ហើយក៏មិនចាំបាច់យកទៅក្លាសេនៅប្រទេសថៃ ដូចកាលពីមុននោះឡើយ , ៤-រោងចក្រផលិតកងឡាន របស់ចិនធ្វើការផលិតនៅប្រទេសថៃ បញ្ជូនមកសម្រេចនៅកម្ពុជា ដើម្បីនាំចេញ។ដូច្នេះនាពេលខាងមុខនេះក្រុមហ៊ុននឹងត្រូវការកម្មករជាច្រើន។
លោកជំទាវ ប៉ាង ណាគ្រី បន្តថា ដោយសារលោកជំទាវចូលចិត្តធ្វើបុណ្យ ហើយរយះកាលកន្លងមកនេះលោកជំទាវបានចូលរួមយ៉ាងសកម្មផ្នែកមនុស្សធម៌ ដូច្នេះពេលនេះលោកជំទាវបានឧបត្ថម្ភថវិការបានមកពីការចំណេញលើការពុះឡូលក់លើផ្ទៃដីចំនួន២៥០ហិចតារបស់ក្រុមហ៊ុនដោយកាត់២០ភាគរយនៃប្រាក់ចំណេញរបស់ក្រុមហ៊ុន ទៅជួយដល់មន្ទីរពេទ្យកុមារអង្គរ ខណៈដែលកំពុងជួបបញ្ហាខ្វះខាត។
លោកជំទាវ អគ្គនាយិកាក្រុមហ៊ុនប៉ាង ណាគ្រី រៀលអ៊ីស្ទេត ឯ.ក បញ្ជាក់ថា ក្រុមហ៊ុនបានត្រៀមរឿងពីធំៗគឺទី១ សាងសង់សាលាបច្ចេកទេស ដោយជួលគ្រូពីបរទេសមកបង្រៀន ដើម្បីបណ្តុះបណ្តាលធនធានមនុស្សជំនាន់ក្រោយឲ្យបានរឹងមាំ និងទី២ កំពុងស្នើសុំបើកផ្សារ មិត្តកម្ពុជា-ថៃ ដោយកំណត់ឲ្យប្រជាពលរដ្ឋដែលមកលក់រួចពន្ធ ឧទាហរណ៍ដូចជាផ្សារណាត់ឬផ្សាសាមគ្គីដោយមិនចាំបាច់ទៅលក់នៅស្រុកគេនោះទេ ក្នុងនោះអភិបានខេត្តក៏យល់ព្រមហើយដែរ ហើយនាពេលខាងមុខនេះក្រុមហ៊ុននឹងអភិវឌ្ឍន៍លើវិស័យកសិកម្មលើផ្ទៃដីចំនួន ២ពាន់ហិចតាបន្ថែមទៀតផងដែរ៕
