រាជរដ្ឋាភិបាលកម្ពុជា ទទួលបានដែករ៉ៃ កំណល់បេតុង និងគ្រឿងបរិក្ខារ(ក្រចាប់) ដែលជាជំនួយឥត សំណង ពីរាជរដ្ឋាភិបាលថៃ សរុបចំនួនជាង៤ម៉ឺនតោន ត្រូវបានដឹកចេញ ជើងទី១ តាមច្រកទ្វាអន្តរជាប៉ោយប៉ែត
ខេត្តបន្ទាយមានជ័យ៖ដែករ៉ៃកំណល់បេតុង និងគ្រឿងបរិក្ខារ(ក្រចាប់)ដែលជាជំនួយឥតសំណងរបស់រាជរដ្ឋាភិបាលថៃ សរុបជាង៤ម៉ឺនតោន ត្រូវបានដឹកចេញមកប្រគល់ឲ្យកម្ពុជា ជើងទី១ តាមផ្លូវដែក ច្រកទ្វាអន្តរជាតិប៉ោយប៉ែត ខេត្តបន្ទាយមានជ័យ នៅរសៀលថ្ងៃទី១៨ ខែតុលា ឆ្នាំ២០២១។
លោក លី បូរិន អនុរដ្ឋលេខាធិកា រ ក្រសួងសាធារណការ និងដឹកជញ្ជូន ទទួលបន្ទុកផ្នែកផ្លូវដែកនៅ កម្ពុជា បានឲ្យដឹងថា រយះកាលកន្លងមកនេះ សម្តេចតេជោនាយករដ្ឋមន្ត្រីនៃកម្ពុជា និងនាយករដ្ឋមន្ត្រី ថៃ បានចុះកិច្ចព្រមព្រៀងក្នុងការឆ្លងកាត់ព្រំដែន រួចរាល់ហើយ។ក្នុងនោះដោយ ភាគីថៃ បានជួយឧបត្ថម្ភ ដែករ៉ៃ កំណល់បេតុង និងគ្រឿងបរិក្ខារ(ក្រចាប់) សរុបជាង ៤ម៉ឺនតោន ហើយបើត្រូវដឹក គឺចំនួន៨០ខ្សែរត់ (រថភ្លើង)ឯណ្ណោះ។
លោកបញ្ជាក់ថា ដោយសារប្រទេសទាំងពីក៏ដូចជា លើពិភពលោកជួបវិបត្តិនូវជំងឺឆ្លងកូវីដ១៩ ទើប ពន្យាពេល ក្នុងការដឹកជញ្ជូន តាមការពិតភាគីថៃត្រៀម ដឹកឲ្យមកយើង តាំងពីថ្ងៃទី១ ខែមិថុនា ឆ្នាំ២០២០ម្លេះ ប៉ុន្តែទើបតែពេលនេះភាគីថៃ បានដឹកមកឲ្យជាលើកទី១ នៃការដឹកជញ្ជូនដែករ៉ៃនេះ ហើយក៏ជាលើកទី១ ក្នុងការដឹកជញ្ជូនឆ្លងកាត់ព្រំដែន តាមផ្លូវដែកដែរ ហើយនូវតែបន្តដឹកជាបន្តបន្ទាប់ទៀត។ចំពោះ សម្ភារៈទាំងនេះ ការដឹកជញ្ជូន ពីទឹកដីថៃមកដល់ព្រំដែនកម្ពុជា-ថៃគឺជាបន្ទុករបស់ភាគីថៃ ឯការដឹកជញ្ជូនបន្តរបស់យើង ដែលបានរៀបចំស្តុបទុកមានចំនួន៧កន្លែងចាប់ពីមង្គលបុរី ខេត្តបន្ទាយមានជ័យ រហូតដល់ខេត្តពោធិ៍សាត់។ម្យ៉ាងវិញទៀត ដែករ៉ៃ ទាំងអស់នេះ បើយើង យកមកតភ្ជាប់ជាផ្លូវដែកអាចបានប្រវែង១៤០គីឡូម៉ែត្រ ពីព្រោះក្នុងហ្នឹង គឺវាមានប្រភេទខុសគ្នាមានបេអេស១០០ និងបេអេស៨០ ។
លោកបញ្ជាក់ទៀតថា ផ្លូវដែកប្រភេទរត់ល្បឿនលឿននេះ គឺធ្វើបានដល់ស្រុកមង្គលបុរីហើយ បើគិតពីព្រំដែន ក្រុងប៉ោយប៉ែត ទៅបានចំងាយ៥៨គីឡូម៉ែត្រ។ ដោយឡែកបើ គិតពីរយះចំងាយសរុប ពីភ្នំពេញមកដល់ស្ពានព្រំដែនកម្ពុជា-ថៃ ច្រកទ្វាអន្តរជាតិប៉ោយប៉ែត មានចំនួន៣៨៦គីឡូម៉ែត្រ បើតាមការគិតដែករ៉ៃនេះ បើយើងធ្វើការតភ្ជាប់ទៅទៀត ប្រហែលអាចដល់ស្ថានីយ៍ស្វាយដូនកែវ ខេត្តពោធិ៍ សាត់ឯណ្ណោះ៕
 copy.jpg)
