មន្ត្រីសាខា ក.ប.ប. ខេត្តបន្ទាយមានជ័យ ដកហូតទំនិញខូចគុណភាព និងហួសកាលបរិច្ឆេទ ប្រើប្រាស់សរុបចំនួន១១៧.៥៩គីឡូក្រាម ពីក្រុមអាជីវករ ដែលដាក់តាំងលក់នៅតាមផ្ទះ និងតូប នៅតាមបណ្ដោយផ្លូវជាតិលេខ៥៨
ខេត្តបន្ទាយមានជ័យ៖ដើម្បីការពារសុវត្ថិភាពអ្នកប្រើប្រាស់ និងអ្នកទទួលទាន មន្ត្រីជំនាញសាខា ក.ប.ប. ខេត្តបន្ទាយមានជ័យ ដឹកនាំដោយលោក សាន វិជ្ជាសារ៉ាវុធ ប្រធាន សាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប)ខេត្តបន្ទាយមានជ័យ បន្តអញ្ជើញចុះត្រួតពិនិត្យនៅតាមផ្ទះ ក៏ដូចជាតាមតូប ក្នុងផ្សារនីមួយៗនៅក្នុងភូមិសាស្ត្រខេត្តបន្ទាយមានជ័យដូចភ្លៀងរលឹម ជាកស្តែងកាលពីព្រឹក ថ្ងៃទី១៦ ខែតុលា ឆ្នាំ២០២១ មន្ត្រីជំនាញសាខា ក.ប.ប. ខេត្ត បន្ទាយមានជ័យ បន្តចុះពិនិត្យនៅតាមផ្ទះ ក៏ដូចជាតាមតូប នៅតាមបណ្តោយផ្លូវជាតិលេខ ៥៨ ចាប់ពីចំណុចភូមិសាលាខ្មែរ រហូតដល់ភូមិទំនប់ដាច់ ស្ថិតនៅក្នុងឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ជាលទ្ធផលកម្លាំងជំនាញបានរកឃើញ និងដកហូតបាននូវផលិតផលខូចគុណភាព និងហួសកាលបរិច្ឆេទ ប្រើប្រាស់ចម្រុះ សរុបមានចំនួន១១៧.៥៩គីឡូក្រាម។
លោក សាន វិជ្ជាសារ៉ាវុធ បានឲ្យដឹងថា ផលលិតផលចម្រុះខូចគុណភាព និងហួសកាលបរិច្ឆេទប្រើប្រាស់ ដែលត្រូវបានកម្លាំងជំនាញរកឃើញ និងដកហូតបាន រួមមាន៖
- ភេសជ្ជៈ Sting ចំនួន ១១កំប៉ុង ស្មើ ៣.៦២លីត្រ
- ទឹកក្រូច ចម្រុះដប ១លីត្រ ចំនួន ៥កំប៉ុង ស្មើ ៥លីត្រ
- ខ្ទិះ ដូង ចំនួន ២កំប៉ុង ស្មើ ០.៣២លីត្រ
- នំដំឡូង កញ្ចប់ ចំនួន ៤.៨០គីឡូក្រាម
- ទឹកក្រូច ចម្រុះ ដប ១.២៥លីត្រ ចំនួន ៤៦ដប ស្មើ ៥៧.៥លីត្រ
- ទឹកក្រូច ចម្រុះ ដប ៣៦០មីលីលីត្រ ចំនួន ៨៣ដប ស្មើ ២៩.៨៨លីត្រ
- កំទេច មី មិនអនុលោមច្បាប់ចំនួន៩គីឡូក្រាម
- សណ្តែក បំពង Tang Sok Hak ចំនួន ៩៩កញ្ចប់ ស្មើ ២.៧៧២គីឡូក្រាម
- នំស្រួយ ចម្រុះ ចំនួន ៣.៥គីឡូ ក្រាម
- ភេសជ្ជៈ Charge ចំនួន ៤កំប៉ុង ស្មើ ១លីត្រ
- ទឹក ដោះ គោជូរ ចំនួន ២ដប ស្មើ ០.២គីឡូ ក្រាម សរុបចំនួន ១១៧.៥៩គីឡូក្រាម។
ជាមួយគ្នានោះដែរលោក សាន វិជ្ជាសារ៉ាវុធ បានធ្វើការណែនាំដល់អាជីវករទាំងអស់ ត្រូវបញ្ឈប់ការការដាក់លក់ទំនិញខូចគុណភាព និងហួសកាលបរិច្ឆេទប្រើប្រាស់ ពិសេសចំណីអាហារតែម្តង ត្រូវពិនិត្យឲ្យបានត្រឹមត្រូវមុននឹងទិញ ឬដាក់តាំងលក់ នៅពេលប្រជាពលរដ្ឋទិញយកទៅប្រើប្រាស់ឬទទួលទានចំណីរខួចគុណភាព ជាហេតុធ្វើឲ្យប៉ះពាល់ដល់សុខភាព៕
