អភិបាលខេត្តកំពត អញ្ជើញចុះសាកសួរសុខទុក្ខអាជីវករ នៅផ្សារសាមគ្គីទី ក្នុងក្រុងកំពត
ខេត្តកំពត៖ឯកឧត្ដម ម៉ៅ ធនិន អភិបាល នៃគណៈអភិបាលខេត្តកំពត អមដំណើរដោយស្នងការនគរបាលខេត្ត អភិបាលក្រុង លោក លោកស្រី ប្រធានមន្ទីរពាក់ព័ន្ធ នៅព្រឹកថ្ងៃទី១៨ ខែតុលា ឆ្នាំ២០២១បានអញ្ជើញចុះសាកសួរសុខទុក្ខអាជីវករ នៅផ្សារសាមគ្គីក្នុងទីរួមខេត្តកំពត ស្ថិតនៅក្នុងសង្កាត់កំពង់បាយ ក្រុងកំពត ខេត្តកំពត។
នាឱកាសនោះ ឯកឧត្តម អភិបាលខេត្ត ក៏បានផ្តល់ជូននូវថវិកាមួយចំនួនជូនដល់លោកតា លោកយាយ និងបានណែនាំដល់អ្នកទទួលម៉ៅការភាស៊ីទាំងអស់ មិនត្រូវយកភាស៊ីលើសការកំណត់ ដែលមានចែងនៅក្នុងសៀវភៅបន្ទុក ជាពិសេសមិនត្រូវយកភាស៊ីពីជនចាស់ជរា ដែលមានអាយុចាប់ពី៦០ឡើង ឬក្មួយតូចៗ ដែលលក់បន្លែបង្កា ត្រី បន្តិចបន្តួចនោះឡើយ ហើយឯកឧត្ដម ក៏បានទទួលយកសូមណូមពរមួយចំនួនរបស់អាជីវករ ដើម្បីដោះស្រាយជូនពួកគាត់ផងដែរ៕