សមាជិកក្រុមប្រឹក្សាអភិវឌ្ឍន៍សង្កាត់ប៉ោយប៉ែត ដឹកនាំក្រុមការងារបន្តចុះកាយ និងស្តាប្រព័ន្ធលូ តាមវីហ្គា នៅក្នុងមូលដ្ឋាន
ខេត្តបន្ទាយមានជ័យ៖ក្រោយពីជំនន់ទឹកភ្លៀងត្រូវបានស្រក លោក ប៊ុន សុវុទ្ធា សមាជិកក្រុមប្រឹក្សាអភិវឌ្ឍន៍សង្កាត់ប៉ោយប៉ែត ទទួលបានការណែនាំពីលោក គាត ហ៊ុល អភិបាល នៃគណៈអភិបាលក្រុងប៉ោយប៉ែត និងលោក ភោគ លន់ ចៅសង្កាត់ប៉ោយប៉ែត លោកបានដឹកនាំក្រុមការងារភូមិ និងប្រជាការពារ បន្តចុះស្តារប្រព័ន្ធលូ តាមវីហ្គា នៅក្នុងភូមិសាស្ត្រសង្កាត់ប៉ោយប៉ែត ដើម្បីបញ្ចៀសការស្ទះ នឹងដក់ទឹកនៅតាមផ្លូវ ដែលជាហេតុធ្វើឲ្យជះខ្លិនស្អុយ នាំឲ្យប៉ះពាល់ដល់សុខភាពប្រជាពលរដ្ឋ។
សូមជំរាបផងដែរថា ការចុះស្តារប្រព័ន្ធលូ តាមវីហ្គា របស់អាជ្ញាធរសង្កាត់ប៉ោយប៉ែត តែងតែធ្វើជារើយៗ ពិសេសនៅរដូវវស្សា ពោលគឺមុន និងក្រោយជំនន់ទឹកភ្លៀងតែម្តង ដោយសារនៅរដូវប្រាំងដី ថង់ប្លាសស្ទិច និងកាកសំណល់ផ្សេងៗ បានប៉ើងហូចូលក្នុងប្រព័ន្ធលូ និងវីហ្គា នៅពេលភ្លៀងធ្លាប់បង្កឲ្យស្ទះ ទឹកហូមិនទាន់។
លោក ប៊ុន សុវុទ្ធា បានឲ្យដឹងថា នៅពេលក្រុមការងាររបស់លោកចុះស្តាប្រព័ន្ធលូម្តងៗ នៅក្នុងលូតាមវីហ្គានីមួយៗ មានសុទ្ធតែកាកសំណល់ដូចជាថង់ផ្លាសស្ទិប ចានស្នោឬប្រអប់ដាក់បាយសម្លជាដើម ទាំងនេះជាហេតុធ្វើឲ្យស្ទះ ទឹកហូចេញមិនរួច នៅពេលភ្លៀងធ្លាក់ម្តងៗ ដោយសារបងប្អូនប្រជាពលរដ្ឋមួយចំនួនតូច ក្រោយពីទទួលទានរួចមិនបានវិចខ្ចប់ឲ្យបានត្រឹមត្រូវ និងមួយចំនួនទៀតនៅពេលដែលយកកាកសំណល់ទៅចោល មិនបោះចូលក្នុងធុងសំរាមឲ្យបានត្រឹមត្រូវ ជាហេតុនាំឲ្យធ្លាក់ចូលក្នុងប្រព័ន្ធលូ បង្កឲ្យស្ទះតែម្តង។
ជាមួយគ្នានោះដែរលោកក៏បានធ្វើការអំពាវនាវ ដល់បងប្អូនប្រជាពលរដ្ឋ ចូលរួមជាមួយសហការអាជ្ញាធរក្នុងការសម្អាតបរិស្ថាន និងអនាម័យ ដើម្បីគ្រួសារយើង និងក្រុងរបស់យើងឲ្យកាន់តែមានសោភ័ណភាពល្អប្រសើឡើងផងដែរ៕
 copy.jpg)
