ក្រុមការងារMAB ក្រុងប៉ោយប៉ែតនាំយកអំណោយ ជាចេល អាកុល ម៉ាស ផ្តល់ជូនសាលាបឋមសិក្សាអូរជ្រៅថ្មី
ខេត្តបន្ទាយមានជ័យ៖ដោយមើលឃើញពីការខ្វះខាតរបស់សាលាបឋមសិក្សាអូរជ្រៅថ្មី ស្ថិតនៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កាលពីព្រឹកថ្ងៃទី៣០ ខែកញ្ញា ឆ្នាំ២០២០ ក្រុមការងារMAB នៅក្រុងប៉ោយប៉ែត បាននាំយកអំណោយជាចេល អាកុល ម៉ាស ផ្តល់ជូនលោកនាយកសាលា ដើម្បីចាត់ចែងដល់សិស្សានុសិស្ស ដែលកំពុងសិក្សា បន្ទាប់ពីក្រសួងអបរំ យុវជន និងកីឡា បានប្រកាសឱ្យបើដំណើការឡើងវិញ បន្ទាប់ពីបានបិតអស់រយះពេលជាច្រើនខែ ដោយសារជំងឺកូវីដ១៩ បានវាលុកទូទាំងពិភពលោក។
នាឱកាសនោះដែរដំណាងក្រុមការងារMABបានមានប្រសាសន៍ថា ដោយមើលឃើញពីការខ្វះខាតរបស់សាលាបឋមសិក្សាអូរជ្រៅថ្មីនេះ ក្នុងអំឡុងជំងឺកូវីដ១៩ ដែលសាលាក៏ដូចជាក្រសួងអបរំ យុវជន និងកីឡា តម្រូវឲ្យមានម៉ាស ចេល អាកុល សម្រាប់សម្អាតអនាម័យនោះ ក្នុងនាមលោកស្រីជាដំណាងឲ្យក្រុមការងារMABបាននាំយកនូវអំណោយទាំងនេះជួយឧបត្ថម ដើម្បីកាត់បន្ថយនៃការខ្វះខាត។
ជាមួយគ្នានោះដែរនាយកសាលា បានថ្លែងអគុណចំពោះលោកអភិបាលក្រុង អាជ្ញាធរមូលដ្ឋាន និងសប្បរសជនទាំងអស់ ដែលកន្លងមកបានជួយឧបត្ថម្ភជាថ្មមិច និងចាក់ដីជាដើម ពិសេសក្រុមការងារMAB ដែបាននាំយកអំណោយទាំងនេះផ្តល់ជូនសាលា ខណៈដែលកំពុងតែមានការខ្វះខាត។
លោកនាយកសាលាបន្តថា សាលាចាប់ផ្តើមបើកឡើងវិញដំណាក់ការទី២ ចាប់ពីថ្ងៃទី៧ ខែកញ្ញា ឆ្នាំ២០២០។ក្នុងនោះសាលាបានធ្វើកាបែងចែកជាក្រុម ទុកគម្លាតពីគ្នា និងតម្រូវឲ្យសិស្សពាក់ម៉ាស បាញ់កម្តៅ ដើម្បីការពារនិងទប់ស្កាត់នូវជំងឺកូវីដ១៩។
លោកគ្រូនាយកបញ្ជាក់ថា សាលាបែកចែកជាពីពេល៥ថ្នាក់ព្រឹកនិង៥ថ្នាក់ថ្ងៃ ចំនួនបុគ្គលិកមានចំនួន១១នាក់ មានអាគាសិក្សាថ្មចំនួន៤បន្ទប់ និងអាគាដែក១បន្ទប់។ដោយបច្ចុប្បន្ននេះសាលាមានការខ្វះខាតច្រើនទាំងសម្ភារៈ ចាក់ដី ថ្មមិច ពិសេសអាគារសិក្សាតែម្តង ពីព្រោះឥឡូវកំណើនសិស្សដែលដាក់ពាក្យចូលរៀនមានច្រើន។ដូច្នេះសូមអំពាវដល់សប្បុរសជន និងថ្នាក់ដឹកនាំសូមជួយជួសជុលអាគារឡើងវិញឬក៏កសាងថ្មី ដើម្បីជាប្រយោជន៍ដល់ក្មេងជំនាន់ក្រោយ។
អំណោយដែលក្រុមការងារMAB ផ្តល់ជូនសាលាបឋមសិក្សាអូរជ្រៅថ្មី រួមមាន៖ចេលចំនួន៨៩ដប,អាកុល១កានធំនិងម៉ាសចំនួន១០ប្រអប់។ក្នុងនោះក៏មានអាជីវករខ្មែរនៅផ្សាររោងក្លឿ ប្រទេសថៃ ឈ្មោះ សាក់ ទិត្យធី និងភរិយា បានជួយឧបត្ថមជាថវិការចំនួន៨០ដុល្លាផងដែរ៕