គណៈបញ្ជាការឯកភាព រដ្ឋបាលខេត្ត បើកកិច្ចប្រជុំ លើកទី២៩ ឆ្នាំ២០២០ នៅសាលប្រជុំទុរេនកំពត
ខេត្តកំពត៖ឯកឧត្តម ជាវ តាយ អភិបាលនៃគណៈអភិបាលខេត្តកំពត និងជាប្រធានគណៈបញ្ជាការឯកភាពរដ្ឋបាលខេត្ត នាព្រឹកថ្ងៃចន្ទ ៤កើត ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២១ ខែកញ្ញា ឆ្នាំ២០២០ បានដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្ត លើកទី២៩ ឆ្នាំ២០២០។
កិច្ចប្រជំនេះបានប្រព្រឹត្តទៅនៅសាលប្រជុំទុរេនកំពត ដោយមានការអញ្ជើញចូលរួមពីឯកឧត្តម លោកជំទាវ គណៈអភិបាលខេត្ត សាលាដំបូងខេត្ត,ព្រះរាជអាជ្ញា នៃអយ្យការអមសាលាដំបូងខេត្ត , លោកឧត្តមសេនីយ៍ មេបញ្ជាការ យោធភូមិភាគ៣, បញ្ជាការដ្ឋានការពារកោះឆ្នេរ, បញ្ជាការដ្ឋានកងពលតូចអន្តរាគមន៍លេខ១១ មូលដ្ឋានសមុទ្រ, អគ្គលេខាធិការ នៃគណៈកម្មការជាតិសន្តិសុខសម្ហសមុទ្រ, ទីបញ្ជាការជួរមុខ នាយកដ្ឋាននគរបាលព្រំដែនទឹក, នាយក នាយករងរដ្ឋបាលសាលាខេត្ត, មន្ទីរ-អង្គភាពជុំវិញខេត្ត, គណៈអភិបាលក្រុង-ស្រុក, ប្រធានទីស្នាក់ការត្រួតពិនិត្យច្រកទ្វារអន្តរជាតិព្រែកចាកនិងមន្ត្រី, ប្រធានទីស្នាក់ការត្រួតពិនិត្យច្រកទ្វារព្រំដែនទ្វេភាគីតន់ហន់ និងមន្ត្រី, ប្រធានទីស្នាក់ការត្រួតពិនិត្យច្រកទ្វារកំពង់ផែសមុទ្រអន្តរជាតិគ្រីស្តាល់រ៉ាយនិងមន្ត្រី, ប្រធានទីស្នាក់ការត្រួតពិនិត្យច្រកទ្វារកំពង់ផែសមុទ្រទីរួមខេត្តនិងមន្ត្រី, ទីចាត់ការ-អង្គភាពចំណុះសាលាខេត្ត សរុបចំនួន៩៤នាក់។
កិច្ចប្រជុំនេះផ្តោតសំខាន់លើរបៀបវារៈ
១.ពិនិត្យ ពិភាក្សា លើសេចក្តីព្រាងកំណត់ហេតុគណៈបញ្ជាការឯកភាពរដ្ឋបាលខេត្តលើកទី២៨
២.ពិនិត្យ ពិភាក្សាលើរបាយការណ៍គណៈបញ្ជាការឯកភាពរដ្ឋបាលខេត្ត ប្រចាំខែសីហា ឆ្នាំ២០២០
៣.សេចក្តីរាយការណ៍របស់លោកស្នងការនគរបាលខេត្ត
-ការអនុវត្តច្បាប់ចរាចរណ៍ផ្លូវគោក
-បញ្ហាគ្រឿងញៀន
-ការអនុវត្តគោលនយោបាយភូមិ-ឃុំមានសុវត្ថិភាពនិងសន្តិសុខសណ្តាប់ធ្នាប់(អំឡុងពេលភ្ជុំបិណ្ឌ)
-សេចក្តីរាយការណ៍របស់លោក លោកស្រីអភិបាល នៃគណៈអភិបាល ក្រុង ស្រុក
-សេចក្តីរាយការណ៍របស់លោកប្រធានមន្ទីរទេសចរណ៍ខេត្ត អំពីស្ថានភាពទេសចរណ៍នៅអំឡុងពេលភ្ជុំបិណ្ឌ)
៣.ការចូលរួមមតិរបស់សមាជិក សមាជិកា នៃអង្គប្រជុំ
៤.មតិបូកសរុប ឯកឧត្តមអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត បានក្រើនរំលឹកដល់អភិបាលក្រុង ស្រុក និងមន្ទីរ ស្ថាប័នពាក់ពន្ទ័ ត្រូវអនុវត្ដអោយបានត្រឹមត្រូវតាមលិខិតបទដ្ឋានគតិយុត្តិ ច្បាប់ និងគោលការណ៍របស់រាជរដ្ឋាភិបាលក្នុងការកាត់ឆ្វៀលដីជូនប្រជាជនដែលបានកាន់កាប់រស់នៅជាក់ស្តែងក្នុងដីតំបន់ការពាររបស់រដ្ឋ ព្រមទាំងជំរុញអោយចុះបញ្ជីដីរដ្ឋអោយបានអស់ កុំទុកបន្តទៀត៕
