ប្រជាពលរដ្ឋ រស់នៅភូមិគោកឃ្លាង ទទួលបានសៀវភៅស្នាក់នៅ ពីនគរបាលខណ្ឌសែនសុខ
រាជធានីភ្នំពេញ៖លោកវរសេនីយ៍ទោ សារឹម វុទ្ធី អធិការរងខណ្ឌសែនសុខ តំណាងឲ្យលោកវរៈសេនីយ៍ឯក ហួរ ម៉េងវ៉ាង អធិការនគរបាលខណ្ឌ កាលពីរសៀលថ្ងៃអង្គារ៍ ១៥កើត ខែស្រាពណ៍ ឆ្នាំជូត ទោស័ក ព.ស២៥៦៤ត្រូវនឹងថ្ងៃទី០៤ ខែកក្កដា ឆ្នាំ២០២០ បានបន្តចុះចែកសៀវភៅស្នាក់នៅ ជូនប្រជាពលរដ្ឋ នៅក្នុងភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ។
លោក សារឹម វុទ្ធី អធិការរងខណ្ឌបានឲ្យដឹងថា៖ដោយមានការអនុញ្ញតិពីលោក វរៈសេនីយឯក ហួរ ម៉េងវ៉ាង អធិការនគរបាលខណ្ឌសែនសុខ ប៉ុស្ត៍នគរបាលរដ្ឋបាលគោកឃ្លាង លោលបានដឹកនាំមន្ត្រីក្រោមឱវាទ បានចុះចែកសៀវភៅស្នាក់នៅជូនប្រជាពលរដ្ឋចំនួន១ភូមិ គឺភូមិគោកឃ្លាង នៃសង្កាត់គោកឃ្លាង ខណ្ឌសែនសុខ រាជធានីភ្នំពេញ។
ក្នុងនោះដែរក៏មានការចូលរួមពីលោកវរសេនីយ៍ត្រី ដួង វណ្ណៈ នាយប៉ុស្តិ៍ លោកអនុសេនីយ៍ឯក នេត ប៊ុនធៀន នាយរងប៉ុស្តិ៍ លោកអនុសេនីយ៍ទោ គៀត ពន្លឺ មន្ត្រី លោក លាវ សុខហេង ចៅរងទី២ លោក អ៊ាម ប៊ុណ្ណា អនុភូមិ បានចុះចែកសៀវភៅស្នាក់នៅ មានចំនួន២២គ្រួសារ សរុបចំនួនមនុស្សចំនួន៩៩នាក់ ប្រុស៤៨នាក់ អាយុ១៨ឆ្នាំឡើងចំនួន៧៦នាក់ ប្រុសចំនួន៤២នាក់៕
