ក្រុមប្រឹក្សាខេត្តបន្ទាយមានជ័យ បើកកិច្ចប្រជុំសាមញ្ញលើកទី១៤ អាណត្តិទី៣ ដើម្បីដោះស្រាយ បញ្ហាពលរដ្ឋខ្វះទឹក និងប្រុងប្រយ័ត្នជម្ងឺកូវីដ១៩ បន្តទប់ស្កាត់ជម្ងឺគ្រុនឈីក
ខេត្តបន្ទាយមានជ័យ៖ក្នុងកិច្ចប្រជុំសាមញ្ញលើកទី១៤ អាណត្តិទី៣ របស់ក្រុមប្រឹក្សាខេត្ត កាលពីព្រឹក ថ្ងៃទី៤ ខែសីហា ឆ្នាំ២០២០ នៅសាលប្រជុំសាលាខេត្ត ឯកឧត្តមខេង ស៊ុំ ប្រធានក្រុមប្រឹក្សាខេត្ត បានលើកយកបញ្ហាជាច្រើនចំណុចមកដោះស្រាយដូចជាៈ ផលប៉ះពាល់ ផលដំណាំស្រូវ ពោតដំឡូង កំពុងប្រឈមត្រៀម និងងាប់ព្រោះខ្វះទឹកស្រោចស្រប នៅក្រុងប៉ោយប៉ែតថ្មីៗនេះស្រាប់តែផ្ទុះជម្ងឺគ្រុនឈីក៦ភូមិ មន្ត្រីពាក់ព័ន្ធកំពុងនាំគ្នាធ្វើការទប់ស្កាត់។ហើយឆ្នាំ២០២០នេះដល់ខែ៨ហើយទឹកនៅបាតស្ទឹងនៅឡើយ រដ្ឋបាលខេត្ត កំពុងមានការព្រួយបារម្មណ៍ ខ្លាចប្រជាពលរដ្ឋប្រឈមនិងការខ្វះទឹកហូប និងប្រើប្រាស់នៅថ្ងៃខាងមុខនេះ ក្នុងនោះបានលើកយកបញ្ហាប្រជាពលរដ្ឋ គួរតែមានការប្រុងប្រយ័ត្នឲ្យបានខ្ពស់អំពីជម្ងឺកូវីដ១៩ បន្តនិងការធ្វើអត្តសញ្ញាណកម្មអ្នកមានឆ្លៀតឪកាសបន្លំធ្វើជនក្រីក្រ បើកប្រាក់ដែលរដ្ឋាភិបាលផ្ដល់ជូនដល់អ្នកក្រីក្រក្នុងរដូវកូវីដ១៩ កន្លងមកនេះ។
ក្នុងកិច្ចប្រជុំនោះឯកឧត្តមក្រុមប្រឹក្សាខេត្ត បានលើកយកចំណុចសំខាន់ៗ ដែលមន្ទីរអង្គភាពបានអនុវត្តកន្លងកសាងផែនការនិងលើកទិសដៅប្រចាំខែប្រចាំឆ្នាំរបស់ខេត្ត មន្ទីរនិងអង្គភាពទទួលបានលទ្ធផលល្អ សមត្ថកិច្ចក្នុងខេត្តថែរក្សាសណ្តាប់ធ្នាប់សាធារណៈ រក្សាបាននូវសុខសន្តិភាពបង្កលក្ខណៈឲ្យប្រជាពលរដ្ឋសម្បូរសប្បាយ ធ្វើឲ្យប្រទេសជាតិមានការអភិវឌ្ឍបានមួយកំរិត បញ្ហាការទប់ស្កាត់ក្នុងការសាងសង់សំណង់ខុសបច្ចេកទេស កុំឲ្យកើតមានឡើងក្នុងការបាក់ស្រុត ត្រូវបន្តទប់ស្កាត់ អប់រំ និងត្រូវណែនាំប្រជាពលរដ្ឋ ឲ្យបានយល់ដឹងពីគ្រោះថ្នាក់ នៃគ្រឿងញៀន និងជាសឲ្យឆ្ងាយពីគ្រឿងញៀន ដើម្បីឈានទៅលុបបំបាត់ការជួញដូរ និងការប្រើប្រាស់គ្រឿងញៀន ដែលកើតមានឡើងនៅក្នុងខេត្ត បញ្ហាទំនាស់ដីធ្លី និងសំណង់អនាធិបតេយ្យនៅក្នុងខេត្ត ត្រូវពង្រឹងសាមគ្គីភាពផ្ទៃក្នុងខេត្តឲ្យបានល្អបន្តទៀត។
ជាមួយគ្នានោះដែរឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានមានប្រសាសន៍ថា កាបញ្ចេញមតិពិគ្រោះយោបល់របស់ក្រុមប្រឹក្សាខេត្តនេះគឺ ដើម្បីកែលំអរនូវប្រព័ន្ធអភិបាលកិច្ចល្អ នៅតាមថ្នាក់រដ្ឋបាលនានា ដើម្បីជំរុញដល់លទ្ធិប្រជាធិបតេយ្យ នៅក្នុងភូមិដ្ឋាន ការជំរុញអភិវឌ្ឍសេដ្ឋកិច្ច និងសង្គមកិច្ចនៅក្នុងមូលដ្ឋាន និងការចូលរួមចំណែកកាត់បន្ថយភាពក្រីក្រ ទូទាំងខេត្តផងដែរ ហើយសព្វថ្ងៃនេះ រដ្ឋាភិបាលកំពង់ប្តេជ្ញាចិត្ត ក្នុងការធ្វើការកែទម្រង់រដ្ឋាភិបាល ថ្នាក់ក្រោមជាតិឲ្យមានលក្ខណៈស៊ីជំរៅ និងយូរអង្វែង ទាំងផ្នែករដ្ឋបាល និងផ្នែកនយោបាយតាមរយៈការបង្កើតក្រុមប្រឹក្សាខេត្ត៕
