ពលរដ្ឋបានប្រទះឃើញ សពលោកយាយវ័យ៨០ឆ្នាំម្នាក់ លង់ទឹកប្រឡាយមុខផ្ទះស្លាប់
ខេត្តបន្ទាយមានជ័យ៖លោកយាយពិការជើងគ្មានកូនចៅ វ័យ៨០ឆ្នាំម្នាក់ ត្រូវបានប្រជាពលរដ្ឋ ប្រទះឃើញលង់ទឹកប្រឡាយមុខផ្ទះស្លាប់ កាលពីវេលាម៉ោង១១និង៣០នាទីព្រឹក ថ្ងៃទី៨ ខែកក្កដា ឆ្នាំ២០២០ ស្ថិតនៅភូមិផ្សារថ្មី ឃុំគំរូ ស្រុកថ្មពួក ខេត្តបន្ទាយមានជ័យ។
លោកវរសេនីយ៍ឯក សៅ សារឿន អធិការនគរបាលស្រុកថ្មពួក បានឲ្យដឹងថា ជនរងគ្រោះមានឈ្មោះ ញឹប ខួម អាយុ៨០ឆ្នាំ មុខខរបរដើររើសអេតចាយជនពិកាជើងខាងឆ្វេង មានស្មារតីវង្វេង រស់នៅម្នាក់ឯង គ្មានកូនចៅ គាត់ចូលចិត្តចិញ្ចឹមឆ្កែច្រើន លោកយាយរស់មកដល់សពថ្ងៃនេះ ដោយសប្បុរសជនគេជូនបាយទឹមគាត់នៅក្បែរវត្ត រស់នៅភូមិផ្សារថ្មី ឃុំគំរូ ស្រុកថ្មពួក ខេត្តបន្ទាយមានជ័យ។
លោកអធិការបានបញ្ជាក់ថា នៅមុនពេលកើតហេតុ មានក្មេងបានដើរកាត់មុខផ្ទះរបស់គាត់ ក៏ប្រទះឃើញសពលោកយាយ នៅក្នុងប្រឡាយក៏រត់មកប្រាប់ចាស់ទុំទៅមើល និងស្រង់សពដាក់លើគោក ។ក្រោយពីទទួលបាននូវព័ត៌មាន នគរបាលជំនាញនិងប៉ុស្តិ៍រដ្ឋបាល បានសហការណ៍ជាគ្រូពេទ្យ បានចុះធ្វើការពិនិត្យសព បានធ្វើការសន្និដ្ឋានថា សពនេះពិតជាស្លាប់ដោយសារលង់ទឹក ពិតប្រាកដព្រោះសំអាងថា ជនរងគ្រោះចុះដងទឹក បានរអិលខ្លួនធ្លាក់ចូលប្រឡាយ ដោយគ្មានអ្នកណាដឹង ម្យ៉ាងវិញទៀតគាត់ចាស់ជរា វង្វេងស្មារតីទៀត គ្មានពាក់ព័ន្ធក្នុងបទល្មើសទេ។សពក្រោយពីពិនិត្យរួចបានប្រគល់ជូនអាចារ្យវត្តក្បែរផ្ទះ ដើម្បីចាត់ចែងធ្វើបុណ្យតាមប្រពៃណី៕
