ឯកឧត្តមអភិបាល ខេត្តកំពង់ចាម ដឹកនាំកិច្ចប្រជុំរៀបចំសណ្តាប់ធ្នាប់ នៅផ្សារផ្អាវ ស្រុកបាធាយ ដែលអាជីវក ដាក់តាំងលក់ទំនិញ នៅលើចិញ្ចើមផ្លូវ នាំឲ្យបាត់សណ្តាប់ធ្នាប់
ខេត្តកំពង់ចាម៖ដោយឃើញនូវបញ្ហាអាជីវករមួយចំនួន ដែលបានដាក់តាំងទំនិញនៅលើចិញ្ចើមផ្លូវ និងលក់ដូរតាមផ្លូវ នៅផ្សារផ្អាវ ដែលនាំឲ្យបាត់សណ្តាប់ធ្នាប់ កកស្ទះចរាចរណ៍ជាប្រចាំ និងបានបង្កការំខានដល់ប្រជាពលរដ្ឋ ដែលរស់នៅជិតខាង ក៏ដូចជាអ្នកដំណើរដែលឆ្លងកាត់តំបន់នោះ នៅព្រឹកថ្ងៃទី២៤ ខែកក្កដា ឆ្នាំ២០២០ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំប្រជុំដើម្បីដោះស្រាយ ការលក់ដូរអនាធិបតេយ្យរបស់អាជីវករមួយចំនួន និងរៀបចំសណ្តាប់ធ្នាប់នៅជុំវិញផ្សារផ្អាវ ឲ្យមានរបៀបរៀបរយ និងលុបបំបាត់ការលក់ដូរគ្មានសណ្តាប់ធ្នាប់ ការលក់ដូររំលោភលើចំណីថ្នល់ និងផ្លូវថ្នល់សាធារណៈ ពីសំណាក់បងប្អូនអាជីវករមួយចំនួន។
កិច្ចប្រជុំនេះមានការចូលរួមពីសំណាក់ លោកអភិបាលរងខេត្ត មន្ត្រីរាជការសាលាខេត្ត មន្ទីរអង្គភាពពាក់ព័ន្ធ អាជ្ញាធរស្រុកបាធាយ និងគណៈអាជីវករផ្សារផ្អាវជាច្រើនរូបផងដែរ៕
