នគរបាលស្រុកថ្មគោល ឃាត់ខ្លួនជនសង្ស័យចំនួន៣នាក់ ពាក់ពន្ធ័ករណីរក្សាទុក ដោយខុសច្បាប់ នូវសារធាតុញៀន
ខេត្តបាត់ដំបង៖ដោយអនុវត្តតាមមតិណែនាំរបស់លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងដោយអនុវត្តតាមមតិណែនាំជំនាញរបស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿង នៅថ្ងៃសុក្រ ១៥កើតខែជេស្ឋ ឆ្នាំជូត ទោស័ក ព.ស. ២៥៦៤ត្រូវនឹងថ្ងៃទី៤ ខែមិថុនា ឆ្នាំ២០២០ វេលាម៉ោង១២និង៣០នាទី លោកវរសេនីយ៍ឯក ផង់ សុភាព អធិការនគរបាលស្រុកថ្មគោល ដឹកនាំកម្លាំងផ្នែកជំនាញ រួមជាមួយកម្លាំងនគរបាលអន្តរាគមន៍ និងកម្លាំងប៉ុស្តិ៍នគរបាលរដ្ឋបាលចុះប្រតិបត្តិការបង្រ្កាបករណីរក្សាទុក ដោយខុសច្បាប់ នូវសារធាតុញៀន០១ករណីក្នុងបទល្មើសជាក់ស្តែងនៅចំណុចវាលស្រែអូរសង្កែ ភូមិវាលទ្រា ឃុំអូរតាគី ស្រុកថ្មគោលខេត្តបាត់ដំបង ដោយឃាត់ជនសង័្សយបានចំនួន០៣នាក់។
ជនសង័្សយដែលត្រូវឃាត់ខ្លួនរួមមាន៖
១-ឈ្មោះពេជ្រ សុខលី ភេទប្រុស អាយុ៣១ឆ្នាំ ភូមិវាលទ្រា ឃុំអូរតាគី ស្រុកថ្មគោល ខេត្តបាត់ដំបង។
២-ឈ្មោះអៀង វី ភេទប្រុស អាយុ៣០ឆ្នាំ រស់នៅភូមិវាលទ្រា ឃុំអូរតាគី ស្រុកថ្មគោល ខេត្តបាត់ដំបង។
៣-ឈ្មោះ ផល ភួយ ភេទប្រុស អាយុ២៧ឆ្នាំ នៅភូមិទំពូងត្បូង ឃុំតាពូង ស្រុកថ្មគោល ខេត្តបាត់ដំបង។
វត្ថុតាងដកហូតបានរួមមាន៖ម្សៅក្រាមពណ៌សថ្លាច្រកក្នុងថង់ផ្លាស្ទិច ពណ៌សថ្លា សង្ស័យមានសារធាតុញៀនប្រភេទមេតំហ្វេតាមីន ម៉ាទឹកកកICEមានទម្ងន់សរុប១៧,៩៩ក្រាម,ទូរស័ព្ទដៃចំនួន០៣គ្រឿង,សម្ភារ:សម្រាប់ប្រើប្រាស់គ្រឿងញៀនមួយចំនួន។
ក្រោយពេលសាកសួរស្រាវជ្រាវបច្ចុប្បន្នជនសង្ស័យ និងវត្ថុតាងនគរបាលស្រុកបានបញ្ជូនទៅកាន់ការិយាល័យជំនាញ ដើម្បីចាត់ការតាមនិតិវិធីច្បាប់៕
