មន្ត្រីយោធា១ក្រុម បើកបរក្នុងស្ថានភាពស្រវឹង ជួបគ្រោះថ្នាក់ចរាចរណ៍ក្រឡាប់ខ្លួនឯង បណ្តាលឲ្យស្លាប់ម្នាក់ របួស០៤នាក់
ខេត្តរតនគិរី៖ឧបទ្ទវហេតុគ្រោះថ្នាក់ចរាចរណ៍ដ៏រន្ធត់ បង្កឡើងដោយមន្ត្រីយោធាមួយក្រុមមានគ្នាចំនួន៥នាក់ បើកបរក្នុងស្ថានភាពស្រវឹងជោគជាំ ក្រឡាប់ដោយខ្លួនឯងបណ្តាលឲ្យស្លាប់១នាក់ របួស០៤នាក់។
ហេតុការណ៍គ្រោះថ្នាក់ចរាចរណ៍នេះបានកើតឡើង នៅថ្ងៃទី១៧ ខែមិថុនា ឆ្នាំ២០២០ នៅត្រង់ចំណុចទឹកខួប ភូមិសំបួរ ឃុំស្វាយជ្រះ ស្រុកស្នួល ខេត្តក្រចេះ។
បើតាមសមត្ថកិច្ចបានឱ្យដឹងថា ជនរងគ្រោះជាអ្នកបើកបររថយន្តម៉ាក TOYOTA TUNDRA ពណ៌ត្រេអ៊ីពាក់ស្លាកលេខ ខ.ភ.ម០៤.២-១៩២២ មានឈ្មោះ សុខ វាសនា ភេទប្រុស អាយុ៣៥ឆ្នាំ មុខរបរជាយោធា មានទីលំនៅភូមិរការកណ្ដាល ឃុំរការកណ្ដាល ក្រុងក្រចេះ ខេត្តក្រចេះបានស្លាប់ភ្លាមៗនៅកន្លែងកើតហេតុ។ចំណែកអ្នករួមដំណើរមានចំនួន០៤នាក់ទៀតរួមមាន៖
ទី១-ឈ្មោះ ឈឹម សុភាព ភេទប្រុស អាយុ៤៨ឆ្នាំ មុខរបរ យោធារងរបួសស្រាល។
ទី២-ឈ្មោះ អ៊ុន ប៊ុនធឿន ភេទប្រុស អាយុ៤២ឆ្នាំ មុខរបរ យោធា របួសស្រាល។
ទី៣-ឈ្មោះ អ៊ឹង ប៊ុន្នីភេទប្រុស អាយុ៥០ឆ្នាំ មុខរបរយោធារបួសស្រាល។
ទី៤-ឈ្មោះ នួន នាវិច ភេទប្រុស អាយុ៤៨ឆ្នាំ មុខរបរ យោធារបួសស្រាល។ជនរងគ្រោះ ខាងលើមានទីលំនៅជាមួយគ្នា។
ក្រោយកើតហេតុភ្លាមៗ សមត្ថកិច្ចចរាចរណ៍ផ្លូវគោក បានបញ្ជូនជនរងគ្រោះខាងលើទៅ សង្គ្រោះនៅមន្ទីពេទ្យបង្អែកខេត្ត។ដោយឡែកសាកសព ត្រូវបានប្រគល់ជូនសាច់ញាតិ ក្រុមគ្រួសារយកទៅធ្វើបុណ្យតាមប្រពៃណី៕
