ឃាត់ខ្លួនជនសង្ស័យចំនួន២នាក់ ពាក់ពន្ធ័ករណីគ្រឿងញៀន
ខេត្តបន្ទាយមានជ័យ៖ជនសង្ស័យចំនួន២នាក់ ដែលជាប់ពាក់ពន្ធ័ករណីជួញដូរគ្រឿងញៀន ត្រូវបានកម្លាំងប៉ុស្តិ៍បឹងសាគូ ដឹកនាំដោយលោក វរ:សេនីយ៍ត្រី រស់ ពិសិដ្ឋ មេបញ្ជាការរងនៃវរ:ព្រំដែនគោក៩១១ រួមសហការជាមួយនិងម្ចាស់ផ្ទះព្រមទាំងកម្លាំងជំនាញគ្រឿងញៀន នៃអធិការដ្ឋាននគរបាលក្រុងប៉ោយប៉ែត ចំនួន៣នាក់ ដឹកនាំដោយលោកវរ:សេនីយ៍ទោ កែវ ដូ អធិការរងក្រុងប៉ោយប៉ែត ទទួលបន្ទុកគ្រឿងញៀន កាលពីវេលាម៉ោង១៧ ថ្ងៃទី១៥ ខែមិថុនា ឆ្នាំ២០២០ បានចុះត្រួតពិនិត្យ និងបង្ក្រាបករណីគ្រឿងញៀន នៅផ្ទះជួលចំណុចនៅមាត់អូរព្រំដែន ស្ថិតក្នុងភូមិក្បាលស្ពាន១ សង្កាត់-ក្រុងប៉ោយប៉ែត ខេត្តបន្ទាយមានជ័យ ដោយឃាត់ជនសង្ស័យ បានចំនួន២នាក់
ទី១-ឈ្មោះ PATTACHAT KRIT ភេទប្រុស អាយុ៥១ឆ្នាំ ជនជាតិថៃ កាន់លិខិតឆ្លងដែន លេខៈAA6917469 និងទី២-ឈ្មោះ CHINWONGAMORN SAWANYA ភេទស្រី អាយុ៤៨ឆ្នាំ ជនជាតិថៃ កាន់លិខិតឆ្លងដែនលេខៈAA5682330។
វត្ថុតាងដែលដកហូតបានរួមមាន៖ម្សៅក្រាមសរថ្លា៣១ថង់,ថ្នាំគ្រាប់ពណ៌ក្រហម០៦ថង់,ថ្នាំគ្រាប់ពណ៌ប៉ៃតង ៩១គ្រាប់,ជញ្ជីងថ្លឹង០១,កែវ០៣ និងសម្ភារៈសម្រាប់ជក់មួយចំនួនទៀត។
ក្រោយពីឃាត់ខ្លួនជនសង្ស័យ និងវត្ថុតាង ត្រូវបានកម្លាំងនគរបាលព្រំដែន គោគ៩១១ ប្រគល់ឲ្យកម្លាំងជំនាញគ្រឿងញៀន នៃអធិការដ្ឋាននគរបាលក្រុងប៉ោយប៉ែត ដើម្បីចាត់ការបន្តរតាមនីតិវិធីច្បាប់៕
