ឃាត់ខ្លួនជនសង្ស័យចំនួន០១នាក់ ពាក់ពន្ធ័ករណីគ្រឿងញៀន នៅស្រុកសន្ទុក
ខេត្តកំពង់ធំ៖កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តកំពង់ធំ ក្រោមការដឹកនាំបញ្ជាផ្ទាល់ ពីលោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ និងមានការសម្របសម្រួលនីតិវិធីពីលោក ស៊ិន វិរ: ព្រះរាជអាជ្ញាអមសាលាដំបូងខេត្តកំពង់ធំ កម្លាំងបានចុះប្រតិបត្តិការណ៍បង្ក្រាបបទល្មើសគ្រឿងញៀន កាលពីវេលាម៉ោង០៩ និង២០នាទី ថ្ងៃ អង្គារ ១៤កើត ខែ ពិសាខ ឆ្នាំជូត ទោស័ក ព.ស២៥៦៣ត្រូវនឹងថ្ងៃទី០៥ ខែឧសភា ឆ្នាំ២០២០ នៅចំណុចចម្ការស្វាយចន្ទីមួយកន្លែង ស្ថិតក្នុងភូមិជ័យមង្គល ឃុំជ្រាប់ ស្រុកសន្ទុក ខេត្តកំពង់ធំ ដោយឃាត់ខ្លួនជនសង្ស័យ០១នាក់ និងដកហូតបានម្សៅក្រាមពណ៌ ស ថ្លា សង្ស័យជាសារធាតុញៀនខុសច្បាប់ចំនួន ១៤កញ្ចប់ ទម្ងន់២៥ក្រាម និងទូរស័ព្ទដៃ០១គ្រឿងផងដែរ។
បើតាមសមត្ថកិច្ចបានឱ្យដឹងថា ជនសង្ស័យមានឈ្មោះ កែវ រ៉ា ភេទប្រុស អាយុ៤៨ឆ្នាំ មុខរបរ រត់ម៉ូតូឌុប រស់នៅភូមិជ័យជម្នះ ឃុំកកោះ ស្រុកសន្ទុក ខេត្តកំពង់ធំ។
ក្រោយពីឃាត់ខ្លួនសមត្ថកិច្ចជំនាញបាននាំខ្លួនជនសង្ស័យរួមនិងវត្ថុតាងទៅកាន់ការិយាល័យប្រឆាំងគ្រឿងញៀង នៃស្នងការដ្ឋាននគរបាលខេត្តកំពង់ធំ ដើម្បីកសាងចាត់ការតាមនីតិវិធី៕
