ឃាត់រថយន្តដឹកឈើ១គ្រឿង នៅសង្កាត់ស្លក្រាម ក្រុងសៀមរាប អ្នកបើកបររត់គេចខ្លួនបាត់
ខេត្តសៀមរាប៖កម្លាំងកងរាជអាវុធហត្ថខេត្តសៀមរាប ដឹកនាំដោយលោកវរសេនីយ៍ឯក សេង វុទ្ធី មេបញ្ជាការរងកងរាជអាវុធហត្ថខេត្តសៀមរាប កាលពីវេលាម៉ោង១៦និង៣០នាទី ថ្ងៃទី២២ ខែឧសភា ឆ្នាំ២០២០ បានចុះប្រតិបត្តិការណ៍បង្ក្រាបរថយន្ត១គ្រឿង ម៉ាកFUSOសណ្តោងស៊ីតែន ស្លាក លេខភ្នំពេញ ៣C-២៨៥៩ ពណ៌ស ឆ្នូតក្រហមខៀវ ដែលសង្ស័យដឹកជញ្ជួនផលអនុផលព្រៃឈើ គ្មានលិខិតអនុញ្ញាត នៅចំណុចចភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។
ក្រោយពីឃាត់រថយន្តអ្នកបើកបរបានគេចខ្លួនបាត់បន្សល់ទុករថយន្តចោល ក្រោយពីធ្វើការត្រួតពិនិត្យបានរកឃើញ ប្រភេទឈើដុំមួយចំនួនមិនទាន់ដឹងពីបរិមាណនៅឡើយ។ដោយឡែករថយន្ត និងឈើខាងលើត្រូវបានប្រគល់ឱ្យរដ្ឋបាលព្រៃឈើបន្ទាយស្រីរក្សាទុក ដើម្បីត្រួតពិនិត្យវាស់វែងជាក់ស្តែង៕