ជនសង្ស័យម្នាក់ ត្រូវកម្លាំងនគរបាលសង្កាត់ឃ្មួញ ឃាត់ខ្លួន ក្រោយពីរកឃើញមានថ្នាំញៀន នៅជាប់ខ្លួនចំនួន២៦កញ្ចប់
រាជធានីភ្នំពេញ៖កម្លាំងនគរបាលសង្កាត់ឃ្មួញ បានធ្វើការឃាត់ខ្លួនជនសង្ស័យម្នាក់ កាលពីវេលាម៉ោង១០នាទីព្រឹក ថ្ងៃទី១៤ ខែឧសភា ឆ្នាំ២០២០ នៅតាមបណ្តោយផ្លូវលំ ភូមិសំរោង សង្កាត់ឃ្មួញ ខណ្ឌសែនសុខ ក្រោយពីរកឃើញមានថ្នាំញៀននៅជាប់ខ្លួនចំនួន២៦កញ្ចប់។
សមត្ថកិច្ចបានឲ្យដឹងថា ជនសង្ស័យមានឈ្មោះ ឆេង ចិន្ថា ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅក្នុងសហគមន៍សែនសុខ៥ សង្កាត់ឃ្មួញ ខណ្ឌសែនសុខ រាជធានីភ្នំពេញ។
សមត្ថកិច្ចបន្តថា៖ជនសង្ស័យខាងលើគឺជាមុខសញ្ញាចាស់ ហើយទើបតែចេញពីពន្ធធនាគាទៀតផង ហើយមុនពេលឃាត់ខ្លួនកម្លាំងប៉ុស្តិ៍ បានធ្វើល្បាតក្នុងមូលដ្ឋាន ដើម្បីទប់ស្កាត់បទល្មើស ដែលកើតមានឡើង លុះមកដល់ចំណុចខាងលើក៏ឃើញជនសង្ស័យធ្វើជាដើរើសអេតចាយ មានការសង្ស័យក៏ហៅត្រួតពិនិត្យ។ក្រោយពីឆែកឆេកម្លាំងបានរកឃើញថ្នាំញៀនចំនួន២៦កញ្ចប់ ដែលរូបគេ(ជនសង្ស័យ)បានដាក់នៅក្នុងកញ្ចប់បារីហើយក៏ឃាត់ខ្លួនតែម្តង។
បច្ចុប្បន្នជនសង្ស័យរួមនឹងវត្ថុតាងកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បី ចាត់ការបន្តតាមនីតិវិធី៕
