អភិបាលខេត្តកណ្តាល អញ្ជើញជាអធិបតីក្នុងពិធី កិច្ចប្រជុំបូកសរុបលទ្ធផល ការអនុវត្តការងារ និងពង្រឹងយុទ្ធនាការ ប្រយុទ្ធប្រឆាំងនឹងជំងឺកូវីដ-១៩
ខេត្តកណ្តាល៖នៅព្រឹកថ្ងៃអង្គារ ៧កើត ខែពិសាខ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី២៨ ខែមេសា ឆ្នាំ២០២០ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាលនិងជាប្រធានគណៈកម្មាធិការប្រយុទ្ធប្រឆាំងវីរុសកូវិដ-១៩ខេត្តកណ្តាល អញ្ជើញជាអធិបតី ក្នុងកិច្ចប្រជុំបូកសរុបលទ្ធផលការអនុវត្តការងារ និងពង្រឹងយុទ្ធនាការប្រយុទ្ធប្រឆាំងនឹងជំងឺកូវីដ-១៩ របស់រដ្ឋបាលស្រុកល្វាឯម។
ក្នុងនោះក៏មានការអញ្ជើញចូលរួមពីឯកឧត្តម លោកជំទាវ អភិបាលរងខេត្ត ឯកឧត្តម-លោកជំទាវ សមាជិកក្រុមប្រឹក្សាខេត្ត,ប្រធានមន្ទីរពាក់ព័ន្ធជុំវិញខេត្ត, លោក កន សុខកាយ អភិបាល នៃគណៈអភិបាលស្រុក, លោក សែម សោត្ថី ប្រធានក្រុមប្រឹក្សាស្រុក,សមាជិកក្រុមប្រឹក្សាស្រុក, អភិបាលរងស្រុក, នាយក-នាយករងរដ្ឋបាលស្រុក, ប្រធាន-អនុប្រធានការិយាល័យ និងមន្រ្តីចំណុះរដ្ឋបាលស្រុក ក្នុងរចនាសម្ព័ន្ធថ្មី និងការិាយល័យជំនាញ់ជុំវិញស្រុក, មេបញ្ជាការ-មេបញ្ជាការរងកងកម្លាំងទាំងបី, ប្រធាន-អនុប្រធានមន្ទីរពេទ្យស្រុកប្រតិបត្តិស្រុក និងប្រធានមណ្ឌលសុខភាពឃុំ, មេឃុំ, ស្មៀនឃុំ និងនាយប៉ុស្តិ៍រដ្ឋបាលឃុំទាំង១៥ ព្រមទាំងនាយក-នាយិការវិស័យអប់រំទាំងបីកំរិត សរុបចំនួន២៣៥នាក់។
នាឱកាសកិច្ចប្រជុំនេះឯកឧត្តមអភិបាលខេត្ត បានមានប្រសាសន៍ដោយលើកទឹកចិត្តដល់រដ្ឋបាលស្រុក-ឃុំ សូមបង្កើនការយកចិត្តទុកដាក់លើប្រព័ន្ធផ្តល់សេវាជូនបងប្អូនប្រជាពលរដ្ឋដែលជាម្ចាស់សេវា និងដោយស្របតាមសភាពការណ៍ពាក់ព័ន្ធជាមួយវីរុសកូវិដ-១៩ គ្រប់បណ្តាឃុំក្នុងស្រុកសូមបន្តយុទ្ធនាការផ្សព្វផ្សាយអបលរំ អំពីវិធីបង្ការ ទប់ស្កាត់ ការឆ្លងវីរុសកូវិដ-១៩ ដែលជាជំងឺមួយដែលកាចសាហាវបំផុត អាចសម្លាប់ជីវិតមនុស្សក្នុងរយៈពេលខ្លីតែប៉ុណ្ណោះ។
ជាងនេះទៀតឯកឧត្តមអភិបាលខេត្ត បានជួយឧបត្ថម្ភដល់រដ្ឋបាលស្រុក នូវម៉ាសចំនួន៩០ប្រអប់, ជែលលាងដៃ១៤ដបធំ, សារ៉ុង និងឧបត្ថម្ភថវិការដល់សមាជិកចូលរួមផងដែរ៕
