ចាប់ឃាត់ខ្លួនជនសង្ស័យ១នាក់ ពាក់ពន្ធ័ករណីជួញដូរគ្រឿងញៀន
ខេត្តបាត់ដំបង៖ដោយក្រោមការចង្អុលបង្ហាញពីលោកឧត្តមសេនីយ៍ទោ អ៊ុច សុខខុន ស្នងការនគរបាលខេត្តបាត់ដំបង និងក្រោមការណែនាំរបស់លោកឧត្តមសេនីយ៍ត្រី កុយ ហៀង ស្នងការរង ទទួលផែនប្រឆាំងគ្រឿងញៀន កាលពីថ្ងៃច័ន្ទ ៦កើត ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី២៧ ខែមេសា ឆ្នាំ២០២០ វេលាម៉ោង១៥និង៣៥នាទីលោកវរសេនីយ៍ឯក ឆាង វណ្ណឆៃ អធិការនគរបាលក្រុងបាត់ដំបង ដឹកនាំកម្លាំងជំនាញផ្នែកប្រឆាំងគ្រឿងញៀន សហការកម្លាំងអន្តរាគមន៍ នៃអធិការដ្ឋាននគរបាលក្រុងបាត់ដំបង បានធ្វើកាបង្រ្កាបបទល្មើសជាក់ស្តែង ពីបទរក្សាទុកដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យបាន១នាក់ នៅចំណុចក្រុមទី៣០ ភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
ជនសង្ស័យដែលកម្លាំងឃាត់ខ្លួនបាននោះមានឈ្មោះ វិន តឿ (ហៅយាយតឿ,យាយសក់ស) ភេទស្រី អាយុ៧៤ឆ្នាំ មានទីលំនៅក្នុងរ៉ាចង្រុក ស្ថិតនៅក្នុងភូមិកំពង់ក្របី សង្កាត់ស្វាយប៉ោ ក្រុងបាត់ដំង ខេត្តបាត់ដំបង។
វត្ថុតាងដកហូតបានរួមមាន៖ថ្នាំញៀនម៉ាទឹកកក(ICE) ចំនួន៤ថង់ ទម្ងន់១៦.៥៨ក្រាម ទាំងសំបកនិងកូនថង់សំរាប់រំលែកច្រកថ្នាំញៀនលក់មួយចំនួន។
ក្រោពីឃាត់ខ្លួនសមត្ថកិច្ចបានកសាងសំណុំរឿងបញ្ជូនជនសង្ស័យរួមនិងវត្ថុតាងទៅការិយាល័យគ្រឿងញៀន នៃស្នងការដ្ឋាននគរបាលខេត្តបាត់ដំបង ដើម្បីចាត់ការបន្តតាមនីតិវិធី៕
