អាវុធហត្ថនៅស្រុកឱរ៉ាល់ ចុះបង្ក្រាបរថយន្តសាំយ៉ុងដឹកឈើ គ្មានច្បាប់អនុញ្ញាតិ នៅចំណុចលើផ្លូវលេខ៤៤ក្នុងភូមិគោក
ខេត្តកំពង់ស្ពឺ៖កម្លាំងមូលដ្ឋានកងរាជអាវុធហត្ថស្រុកឱរ៉ាល់ ដឹកនាំដោយលោកវរសេនីយ៍ទោ សោម ពុទ្ធតារា មេបញ្ជាការសហការបង្ក្រាបបទល្មើសធនធានធម្មជាតិ ជាមួយកម្លាំងកងរាជអាវុធហត្ថលើផ្ទៃប្រទេសនាថ្ងៃទី២៣ ខែមេសា ឆ្នាំ២០២០ បានស្ទាក់ចាប់រថយន្តសាំយ៉ុងពណ៌សំបកឪឡឹក ដឹកឈើជ្រុងម៉ៃតាប់ ប្រភេទ សុក្រំ គ្មានច្បាប់អនុញ្ញាតិ នៅចំណុចចលើផ្លូវលេខ៤៤ ចន្លោះគីឡូម៉ែត្រលេខ(៤៩-៥០) ស្ថិតក្នុងភូមិគោក ឃុំសង្កែសាទប ស្រុកឱរ៉ាល់ (ម្ចាស់រត់គេចខ្លួនបាត់)។
បច្ចុប្បន្ន វត្ថុតាងនិងមធ្យោបាយត្រូវបាននាំយកមករក្សាទុកជាបណ្តោះអាសន្ន នៅមូលដ្ឋានមូលដ្ឋានកងរាជអាវុធហត្ថស្រុកឱរ៉ាល់(មិនទាន់បានវាស់វែង) រងចាំប្រគល់មន្ត្រីបរិស្ថានដែនជម្រកសត្វភ្នំឱរ៉ាល់ ដែលមានស្នាក់ការស្ថិតក្នុងភូមិក្រាំងពង្រង ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ បន្តនិតិវិធីតាមផ្លូវច្បាប់៕
