នគរបាលស្រុកថ្ពង ឃាត់ខ្លួនជនសង្ស័យ១នាក់ ពាក់ពន្ធ័បទល្មើលគ្រឿងញៀន
ខេត្តកំពង់ស្ពឺ៖ខណៈកម្លាំងអធិការនគរបាលស្រុកថ្ពងកំពុងចុះដើរល្បាត ក៏ស្រាប់តែមានសេចក្តីរាយការណ៍ពីប្រជាពលរដ្ឋថា មានការចែកចាយគ្រឿងញៀនយ៉ាងសកម្មនៅផ្ទះឈ្មោះ អុន ខ្លឹម ស្ថិតនៅភូមិទេពភិរម្យ ឃុំវាលពន់ ស្រុកថ្ពង ខេត្តកំពង់ស្ពឺ ទើបកម្លាំងឈានដល់ការបង្ក្រាប ដោយ ឃាត់ខ្លួនជនសង្ស័យ១នាក់ឈ្មោះ យឿន យុន ភេទប្រុស អាយុ២៤ ឆ្នាំរស់នៅភូមិដុំខ្វិត ឃុំវាលពន់ ស្រុកថ្ពង ខេត្តកំពង់ស្ពឺ កាលពីវេលាម៉ោង១៦និង៣០នាទីនៅថ្ងៃអាទិត្យ ខែចេត្រ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី១៩ ខែមេសា ឆ្នាំ២០២០។
សមត្ថកិច្ចបានឱ្យដឹងថា វត្ថុតាំងដហូតបានរួមមានៈ
១-ម្សៅក្រាមពណ័សថ្លាសង្ស័យជាគ្រឿងញៀន ចំនួន១កញ្ចប់តូច។
២-ទូរសព្ទ័ដៃ១គ្រឿង ម៉ាកViVO ។
នឹងម្នាក់ទៀតឈ្មោះ អុន ខ្លឹម ភេទប្រុស អាយុ៣០ឆ្នាំ រស់ភូមិទេពភិរម្យ ឃុំវាលពន់ ស្រុកថ្ពង បានទំលាក់ម្សៅក្រាមសថ្លាសង្ស័យជាគ្រឿងញៀនចំនួន១កញ្ចប់តូច។
ក្រោយមកកម្លាំង បានឃាត់ខ្លួនជនសង្ស័យ យកមកអធិការដ្ឋាននគរបាលស្រុកថ្ពង ដើម្បីកសាងសំណុំរឿងបញ្ជូនទៅការិយាល័យប្រឆាំងគ្រឿងញៀនខេត្តកំពង់ស្ពឺ ដើម្បីចាត់ការតាមនិតិវិធី៕
