ឯកឧត្តមតាំង តុងហ៊ាប់ ទីប្រឹក្សាក្រសួងព័ត៌មាន ឋានៈស្មើអគ្គនាយក បាននាំយកអំណោយផ្ទាល់ខ្លួន ចែកជូនពលរដ្ឋខ្វះខាត ទីទាល់ក្រ ជនអនាថា នៅតាមផ្លូវសាធាណៈ
រាជធានីភ្នំពេញ៖ដើម្បីចូលរួមចំណែក ជាមួយរាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឯកឧត្តមតាំង តុងហ៊ាប់ ទីប្រឹក្សាក្រសួងព័ត៌មាន ឋានៈស្មើអគ្គនាយក និងលោកជំទាវ បាននាំយកនូវអំណោយផ្ទាល់ខ្លួន ចែកជូនដល់ពលរដ្ឋខ្វះខាត ទីទាល់ក្រ ជនអនាថា នៅតាមផ្លូវសាធាណៈ និងពលរដ្ឋ ដែលកំពុងស្នាក់នៅផ្ទះ ដោយមិនបានចេញទៅរកប្រាក់ចំណូល ដោយសារតែកើតមាននូវជំងឺកូវីដ១៩ ដែលនៅលើពិភពលោកកំពុងតែមានការព្រួយបារម្មណ៍ ក៏ដូចជាចូលរួមចំណែកជាមួយប្រមុខថ្នាក់ដឹកនាំ ក្នុងការប្រយុទ្ធប្រឆាំងនឹងការរីករាលដាលនៃជំងឺកូវីដ១៩។
អំណោយដែលឯកឧត្តម និងលោកជំទាវ យកមកចែកជូនពលរដ្ឋខ្វះខាតនោះរួមមាន៖អង្ករ មី ម៉ាស ជែលលាងដៃចំនួន១០០ថង់តូចផងដែរ។
នាឱកាសនោះដែរឯកឧត្តម បានណែនាំដល់ប្រជាពលរដ្ឋ អំពីការធ្វើអនាម័យ ដើម្បីបង្កា និងទប់ស្កាត់ពីការឆ្លងរីករាលដាលនៃជំងឺកូវីដ-១៩ តាមការណែនាំរបស់ក្រសួងសុខាភិបាល ដូចជា ត្រូវលាងសម្អាតដៃជាប្រចាំជាមួយសាប៊ូ និងទឹក ឬប្រើទឹកលាងដៃដែលមានជាតិអាល់កុលកាត់បន្ថយការចេញក្រៅ និងការជួបជុំគ្នាប្រសិនបើគ្មានការចាំបាច់៕
