បង្ក្រាបរថយន្តដឹកឈើប្រណិត ចំនួន២គ្រឿង នៅរង្វង់មូលខ្លាស្ទុះ
ខេត្តក្រចេះ៖កម្លាំងកងរាជអាវុធហត្ថក្រុងក្រចេះចំនួន៩នាក់ រថយន្តចំនួន០៤គ្រឿងនិងអាវុធចំនួន០២ដើម ដឹកនាំដោយលោកវរសេនីយ៍ត្រី ផាត សុភ័ក្រ្តវាសនា មេបញ្ជាការកងរាជអាវុធហត្ថក្រុងក្រចេះ បានចុះបង្រ្កាបការដឹកជញ្ជូនផលអនុផលព្រៃឈើ គ្មានលិខិតអនុញ្ញាត ដោយរឹបអូសបានរថ
យន្តដឹកឈើប្រណិតចំនួន២គ្រឿង ម្ចាស់រត់គេចខ្លួន។
ការចុះប្រតិបត្តការណ៍បង្ក្រាបនេះបានធ្វើឡើងកាលពីវេលាម៉ោង២៣និង៣០នាទីថ្ងៃទី២៨ ខែមីនា ឆ្នាំ២០២០ នៅចំណុចរង្វង់មូលខ្លាស្ទុះ ស្ថិតនៅក្នុងភូមិកាប៉ូ សង្កាត់អូរឬស្សី ក្រុងក្រចេះ ខេត្តក្រចេះ។
រថយន្តដែលកម្លាំងរឹបអូសបាន
១.រថយន្តម៉ាក HIGHLANDER ពណ៍ខ្មៅ ពាក់ស្លាកលេខ ភ្នំពេញ 2N 4146 ផ្ទុកឈើចំនួន០១គ្រឿង។
២.រថយន្តម៉ាក CAMRY បាឡែន ពណ៍ទឹកប្រាក់ ពាក់ស្លាកលេខ ភ្នំពេញ 2H 5407 ផ្ទុកឈើចំនួន០១គ្រឿង។ប្រភេទឈើលេខ១ចំនួនឈើមិនទាន់វាស់វែង ម្ចាស់បានរត់គេចខ្លួនបាត់។
បច្ចុប្បន្ន វត្ថុតាងត្រូវបានរក្សាទុកនៅមូលដ្ឋានកងរាជអាវុធហត្ថក្រុងក្រចេះ ដើម្បីបន្តនិតិវិធី៕