ជនសង្ស័យចំនួន៥នាក់ ត្រូវបានកម្លាំងអាវុធហត្ថ ខេត្តកំពង់ឆ្នាំង ឃាត់ខ្លួនឈូសឆាយ ទន្ទ្រានយកដីព្រៃលិចទឹកតំបន់៣
ខេត្តកំពង់ឆ្នាំង៖មនុស្សចំនួន៥នាក់រួមនឹងគ្រឿងចក្រចំនួនន៥គ្រឿងផងដែរ ត្រូវបានកម្លាំងកងរាជអាវុធហត្ថខេត្តកំពង់ឆ្នាំង ចុះប្រតិបត្តិការបង្ក្រាប និងឃាត់ខ្លួនបន្ទាប់ពីពួកគេទាំងនោះបានធ្វើសកម្មភាព ឈូសឆាយ ទន្ទ្រានយកដីព្រៃលិចទឹកតំបន់៣ នៅស្រុកកំពង់លែង។
បើតាមសមត្ថកិច្ចបានឱ្យដឹងថា ការចុះបង្ក្រាបទល្មើសខាងលើនេះនៅចំណុចថ្លុកកម្ពាញ ស្ថិតក្នុងភូមិល្វា ឃុំស្វាយរំពារ ស្រុកកំពង់លែង ខេត្តកំពង់ឆ្នាំង។
ពាក់ពន្ធ័បញ្ហាខាងលើនេះបើតាមប្រភពព័ត៌មានបានឱ្យដឹងថា ក្រុមជនសង្ស័យបានប្រើល្បិចរំលោភបំពានយកដីព្រៃលិខទឹក ក្រោមរូបភាពឈូសឆាយ និងយកស្រូវទព្រួស ដើម្បីឲ្យអាជ្ញាធរមានសមត្ថកិច្ចយល់ច្រឡំថា ជាពលរដ្ឋអាស្រ័យផលធ្វើស្រែប្រាំងបណ្ដោះអាសន្ន។តែតាមការពិត គឺមានក្រុមអ្នកមានអំណាច និងឥទ្ធិពលមួយចំនួននៅពីខាងក្រោយខ្នង នៃការឈូសឆាយដីព្រៃលិចទឹកនេះ ដើម្បីច្បាមយកធ្វើជាកម្មសិទ្ធិទាំងបំពានច្បាប់តែប៉ុណ្ណោះ។ករណីចុះបង្ក្រាប បទល្មើសឈូសឆាយដីព្រៃលិចទឹក ក្នុងដែនបឹងទន្លេសាប នៅតំបន់ហាមឃាត់ត្រូវបានគេមើលឃើញថា មិនមានការថយចុះនោះឡើយបើ ទោះបីអាជ្ញាធរ អនុវត្តច្បាប់លើការរុករានដីរបស់រដ្ឋ ដោយខុសច្បាប់យ៉ាងណាក៏ដោយ។
បើតាមសមត្ថកិច្ចបញ្ជាក់ថា ការចុះប្រតិបត្តិបង្ក្រាបនេះបានធ្វើឡើងកាលពីថ្ងៃទី២៧ ខែមីនា ឆ្នាំ២០២០ ដោយកម្លាំងឃាត់ខ្លួនជនសង្ស័យបានចំនួន៥នាក់រួមមាន៖
ទី១-ឈ្មោះ អៃ អេន ភេទប្រុស អាយុ២៩ឆ្នាំ ជនជាតិខ្មែរ មានទីលំនៅភូមិដា ឃុំដា ស្រុកកំពង់លែង ខេត្តកំពង់ឆ្នាំង។
ទី២-ឈ្មោះ ឈួន ធិន ភេទប្រុស អាយុ២០ឆ្នាំ មានទីលំនៅភូមិតាឡាត ស្រុកភ្នំស្រួច ខេត្តកំពង់ស្ពឺ។
ទី៣-ឈ្មោះ ញ៉ែម ចាន់ ភេទប្រុស អាយុ ២៧ឆ្នាំ មានទីលំនៅភូមិដំណាក់កន្សែង ឃុំផ្ទះរុង ស្រុកភ្នំក្រវ៉ាញ ខេត្តពោធិ៍សាត់។
ទី៤-ឈ្មោះ ម៉ន សឺ ភេទប្រុស អាយុ១៨ឆ្នាំ។
ទី៥-ឈ្មោះ ណាំ សៅ ភេទប្រុស អាយុ២៤ឆ្នាំរស់នៅភូមិតាំងរមាស ឃុំតាំងក្រសាំង ស្រុកទឹកផុស ខេត្តកំពង់ឆ្នាំង។
ក្រោយពីឃាតខ្លួនកម្លាំសមត្ថកិច្ចដកហូតបាននូវវត្ថុតាងគ្រឿងចក្រចំនួនន៥គ្រឿងផងដែរ។បច្ចុប្បន្នជនសង្ស័យរួមនឹងវត្ថុតាង សមត្ថកិច្ចកំពុងកសាងសំណុំរឿង ដើម្បីចាត់ការបន្តតាមនិតិវិធី៕
