ឃាត់ខ្លួនជនសង្ស័យ២នាក់ ពាក់ពន្ធ័ករណីគ្រឿងញៀន
រាជធានីភ្នំពេញ៖សមត្ថកិច្ចកម្លាំងជំនាញរបស់មន្ទីរប្រឆាំងបទល្មើសគ្រឿងញៀន(ក៦) បានបើកប្រតិបត្តិការស្រាវជ្រាវ ករណីជួញដូរគ្រឿងញៀន រហូតឈានដល់ការឃាត់ខ្លួនជនសង្ស័យពីនាក់ប្តីប្រពន្ធ កាលពីវេលាម៉ោង១៦និង៣០នាទីយប់ ថ្ងៃទី១៦ ខែមីនា ឆ្នាំ២០២០ នៅចំណុចបន្ទប់ជួលលេខ០៤ ផ្លូវបេតុង សង្កាត់ទួលសង្កែ ខណ្ឌប្ញស្សីកែវ រាជធានីភ្នំពេញ។
ក្រោយពីឃាត់ខ្លួនកម្លាំងដកហូតបាននូវវត្ថុតាងសារធាតុញៀន ប្រភេទមេតំហ្វេតាមីន(ICE) ទម្ងន់1025.56g។
សមត្ថកិច្ចបានឱ្យដឹងថា ជនសង្ស័យពីនាក់ប្តីប្រពន្ធ ដែលត្រូវបានសមត្ថកិច្ចចាប់ឃាត់ខ្លួននោះមានឈ្មោះ ចុង សំអុល ភេទប្រុស អាយុ៣៧ឆ្នាំ ជនជាតិខ្មែរ និងឈ្មោះ ឡេ ធីចិន ភេទស្រី អាយុ៣៨ឆ្នាំ ជនជាតិវៀតណាម(ជាប្រពន្ធ)។
សមត្ថកិច្ចបន្តថា ការចុះប្រតិបត្តិការបង្ក្រាបករណីជួញដូរគ្រឿងញៀននេះ ជំនាញរបស់មន្ទីរប្រឆាំង បទល្មើសគ្រឿងញៀន(ក៦) ដឹកនាំដោយលោកនាយករង ដាំ ឈឿន និងសម្របសម្រួលដោយលោ សឿន មុន្នីរ័ត្ន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ និងក្របញ្ជី ឡេង ណាង បានដំណើរការបើកកិច្ចប្រតិបត្តិការ ស្រាវជ្រាវបង្ក្រាបករណី រក្សាទុកជូញដូរគ្រឿងញៀនខុសច្បាប់ក្នុងបទល្មើសជាក់ស្តែង ជាលទ្ធផលឃាត់ខ្លួនជនសង្ស័យ០២នាក់ រួមនឹងវត្ថុតាងសារធាតុញៀនប្រភេទម៉េតំហ្វេតាមីន(ICE) ទម្ងន់1025.56g។
ក្រោយពីឃាត់ខ្លួនសមត្ថកិច្ចបានធ្វើកំណត់ហេតុ ដើម្បីកសាងសំណុំរឿងបញ្ជូនទៅសាលាដំបូងចាត់ការបន្តតាមនិតិវិធី៕
![]()
![]()
![]()