លោកជំទាវកិត្តិសង្គហបណ្ឌិត ម៉ែន សំអន អញ្ជើញជាអធិបតី ក្នុងពិធីកាត់ឬសសីមា និងសម្ពោធសមិទ្ធិផលនានា នៅវត្តពោធិ៍ឧត្តម
ខេត្តស្វាយរៀង៖នាព្រឹកថ្ងៃច័ន្ទ ៨រោច ខែផល្គុន ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៦ ខែមីនា ឆ្នាំ២០២០ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញចូលរួមជាតំណាងដ៏ខ្ពង់ខ្ពស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងពិធីកាត់ឬសសីមា និងសម្ពោធសមិទ្ធិផលនៅក្នុងវត្តពោធិ៍ឧត្តម (ហៅវត្តអណ្តូងត្របែក) ស្ថិតក្នុងភូមិអណ្តូងត្របែក ឃុំអណ្តូងត្របែក ស្រុករមាសហែក ខេត្តស្វាយរៀង។
ថ្លែងក្នុងឱកាសនោះ លោកជំទាវក៏បាន ពាំនាំនូវការសាកសួរសុខទុក្ខពីសំណាក់ សម្តេចតេជោ និងសម្តេចកិត្តិព្រឹទ្ធបណ្ឌិត និងសម្តេចប្រធានព្រឹទ្ធសភា និងលោកជំទាវ ជូនដល់អង្គពិធីនូវក្តីនឹករលឹកចំពោះអងហគពិធីផងដែរ។
លោកជំទាវបានបន្តទៀតថា ព្រះពុទ្ធសាសនាមិនគ្រាន់តែជាទីគោរពសក្ភារៈបូជាប៉ុណ្ណោះទេ គឺជាប្រភពបណ្តុះ នូវបញ្ញាញាណ ជាថ្នាលបណ្តុះធនធានមនុស្សគ្រប់សម័យកាល ហើយបើតាមប្រវត្តិសាស្ត្របានបង្ហាញអោយឃើញថា ទីអារាម រួមចំណែកក្នុងការកសាងសង្គមជាតិមួយប្រកបដោយសីលធម៌ ចរិយាធម៌ និងប្រកបដោយគុណធម៌ និងជាទីកន្លែងដែលរក្សាទុកនូវវប្បធម៌ ប្រពៃណី ទំនៀមទម្លាប់ ដែលបុព្វបុរសខ្មែរកត់ត្រាទុកពីជំនាន់មួយទៅជំនាន់មួយ សម្រាប់មនុស្សជំនាន់ក្រោយ ពិសេសទៅទៀតទីអារាមជាកន្លែងបណ្តុះ នូវធនធានមនុស្សដែលពោរពេញដោយ ចំណេះដឹងទាំងផ្លូវលោក ផ្លូវធម៌ និងប្រកបដោយមនសិការជាតិ ស្របតាមយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាល។
ប្រមុខរាជរដ្ឋាភិបាលកម្ពុជា ក៏បានលើកតម្កើង និងទ្រទ្រង់ព្រះពុទ្ធសាសនាស្រប នឹងស្ថានភាពសង្គមជាតិកំពុងតែរីកចម្រើន បានបង្ករលក្ខណៈសម្បត្តិដល់សកម្មភាព ព្រះពុទ្ធសាសនា ក្នុងការអភិវឌ្ឍន៍វិស័យនេះ ឲ្យមានរីកចម្រើនដូចវិស័យដទៃទៀត សក្តិសមជាទីកន្លែងគោរពបូជា នៃពុទ្ធបរិស័ទ ។
ជាក់ស្តែងនៅក្នុងស្រុករមាសហែកថ្ងៃនេះបានរៀបចំកាត់ឬសសីមា និងសម្ពោធសមិទ្ធិផលនានា ដែលបាន ចំណាយថវិកាសាសង់អស់៣៥ម៉ឺនដុល្លារសហរដ្ឋអាមេរិក សម្រាប់ទុកឲ្យប្រជាពុទ្ធបរិសទជិតឆ្ងាយ គោរព និងប្រតិបត្តិ៕