នគរបាលខេត្តបាត់ដំបង ឃាត់ខ្លួនជនសង្ស័យចំនួន៥នាក់ ពាក់ព័ន្ធករណីចរាចរណ៍រូបិយវត្ថុ និងរូបិយប័ណ្ណក្លែងក្លាយ និងរក្សាទុកអាវុធខុសច្បាប់ (កាំបិតនិងដំបង)
ខេត្តបាត់ដំបង៖ដោយអនុវត្តតាមការណែនាំបញ្ជាផ្ទាល់ពីឯកឧត្តម ឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោក ឧត្តមសេនីយ៍ត្រី ជេត វណ្ណនី ស្នងការរងផែនការងារនគរបាលព្រហ្មទណ្ឌ និងមានការសម្របសម្រួលទៅលើនីតិវិធីពីលោក នួន សាន ព្រះរាជអាជ្ញាអមសាលាដំបូងខេត្តបាត់ដំបង នៅថ្ងៃទី១០ ខែមីនា ឆ្នាំ២០២០ វេលាម៉ោងជាង១១ លោកវរសេនីយ៍ទោ ឈឿង គឹមសុង ប្រធានការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍បង្ការ បង្ក្រាប សហការជាមួយកម្លាំងជំនាញចុះប្រតិបត្តិការ បង្ក្រាបករណី ធ្វើចរាចរណ៍រូបិយវត្ថុ និងរូបិយប័ណ្ណក្លែងក្លាយ និងរក្សាទុកអាវុធខុសច្បាប់( កាំបិត និងដំបង )និងឃាត់ខ្លួនជនសង្ស័យចំនួន៥នាក់ នៅចំណុចបន្ទប់ជួល ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
ជនសង្ស័យដែលត្រូវឃាត់ខ្លួននោះរួមមាន៖
១-ឈ្មោះ សារ៉ម លី ភេទប្រុស អាយុ៣៨ឆ្នាំ មានទីលំនៅភូមិដាំស្ពៃ សង្កាត់ស្លាកែត ក្រុងបាត់ដំបងខេត្តបាត់ដំបង។
២-ឈ្មោះ យៀន រតនៈ ភេទប្រុស អាយុ២៨ឆ្នាំ មានទីលំនៅភូមិកម្មករនសង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
៣-ឈ្មោះ សុប រ៉យ៉ា ភេទប្រុស អាយុ៣០ឆ្នាំ មានទីលំនៅភូមិដាំស្ពៃ សង្កាត់ស្លាកែត ក្រុងបាត់ដំបង ខេត្តបាត់ដំបង។
៤-ឈ្មោះ សាន់ សំខាន់ ភេទប្រុស អាយុ២៤ឆ្នាំ មានទីលំនៅភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង។
៥-ឈ្មោះ វ៉ាន់ វីរៈ ភេទប្រុស អាយុ២០ឆ្នាំ មានទីលំនៅភូមិក្រពើជើង ឃុំភ្នំសំពៅ ស្រុកបាណន់ ខេត្តបាត់ដំបង។
វត្ថុតាងដកហូតរួមមាន៖
- ក្រដាសប្រាក់បាត១០០០បាត (ក្លែងក្លាយ)ចំនួន៣០សន្លឹក
- ក្រដាសប្រាក់បាត៥០០បាត ( ក្លែងក្លាយ )ចំនួន២៥សន្លឹក
- ក្រដាសប្រាក់បាត១០០បាត ( ក្លែងក្លាយ )ចំនួន១២សន្លឹក
- ក្រដាសប្រាក់បាត៥០បាត ( ក្លែងក្លាយ )ចំនួន១៥៦សន្លឹក
- ក្រដាសប្រាក់ដុល្លា១០០ដុល្លារ ( ក្លែងក្លាយ )ចំនួន១៧សន្លឹក
- ក្រដាសប្រាក់ដុល្លារ៥០ដុល្លារ ( ក្លែងក្លាយ )ចំនួន៨សន្លឹក
- ក្រដាសប្រាក់ដុល្លា២០ដុល្លា ( ក្លែងក្លាយ )ចំនួន២៣សន្លឹក
- ក្រដាសប្រាក់ដុល្លារ១០ដុល្លារ ( ក្លែងក្លាយ )ចំនួន៨៧សន្លឹក
- ទូរស័ព្ទដៃចំនួន៧គ្រឿង
- ជញ្ជីងសម្រាប់ថ្លឹងថ្នាំញៀនចំនួន១គ្រឿង
- ម្សៅក្រាមពណ៌ ស ចំនួន៧ថង់
- កូនថង់សំរាប់ច្រកគ្រឿងញៀនមួយចំនួន
- ដបសម្រាប់ប្រើប្រាស់គ្រឿងញៀនចំនួន១
- កាំបិតកែច្នៃធ្វើអំពីដែកចំនួន៣ដើម
- ផ្លែ រណាងោង ចំនួន១
- ដំបងឈើមានដែកគោល រុំស្គុតពណ៌ខ្មៅចំនួន១ដើម
- ដំបងឈើចំនួន១ដើម
- ម៉ូតូមួយគ្រឿងម៉ាកហុងដាឌ្រីមសេ១២៥ ស៊េរីឆ្នាំ២០១២ ពណ៌ខ្មៅពាក់ស្លាកលេខបាត់ដំបង 1N 6557
- ម៉ូតូមួយគ្រឿងម៉ាកហុងដា អ៊ែរប្លែត ពណ៌ខ្មៅទឹកក្រូចស៊េរីឆ្នាំ២០១០ពាក់ស្លាកលេខកណ្ដាល 1D 2646។
បច្ចុប្បន្នជនសង្ស័យរួមទាំងវត្ថុតាងខាងលើ ត្រូវបានប្រគល់ឱ្យការិយាល័យជំនាញ ដើម្បីចាត់ការបន្តតាមនីតិវិធី៕
