ប្រទះឃើញសពបុរសម្នាក់ លង់ទឹកត្រពាំង ដោយសារចុះហែលទឹកបេះផ្កាឈូក
ខេត្តតាកែវ៖បន្ទាប់ពីទទួលបានព័ត៌មានពីប្រជាពលរដ្ឋថា មានបុរសម្នាក់បានស្លាប់ នៅក្នុងទឹកត្រពាំង នៅថ្ងៃទី៦ ខែកុម្ភ: ឆ្នាំ២០២០ អធិការដ្ឋាននគរបាលស្រុកត្រាំកក់ បានដឹកនាំកម្លាំងផ្នែកជំនាញបច្ចេកទេសស្រុក សហការជាមួយប៉ុស្តិ៍នគរបាលរដ្ឋបាល ព្រមទាំងគ្រូពេទ្យ និងអាជ្ញាធរពាក់ព័ន្ធ ចុះទៅពិនិត្យសាកសពដល់កន្លែងកើតហេតុ ជាលទ្ធផលឃើញថា សពស្លាប់ដោយសាការចុះហែលទឹកបេះផ្កាឈូកបណ្តាលឱ្យលង់ នៅចំណុចក្នុងទឹកត្រពាំង ស្ថិតភូមិធំ ឃុំស្រែរនោង ស្រុកត្រាំកក់ ខេត្តតាកែវ។
សមត្ថកិច្ចបានឲ្យដឹងថា៖សាកសពមានឈ្មោះ ពេជ្រ សំណាង ភេទប្រុស អាយុ៣៣ឆ្នាំមានកម្ពស់ 1.63 cm ស្លៀកខោជើវែងពណ៌ខ្មៅ ពាក់អាវក្រណាត់វាលក្លៀកពណ៌ក្រហម មានកម្ទេចដីនៅក្នុងមាត់
ផ្នែកខាងមុខពុំមានអ្វីគួរឲ្យកត់សម្គាល់ឡើយ ផ្នែកខាងក្រោយពុំមានអ្វីគួរឲ្យកត់សម្គាល់ឡើយ។
ក្រោយពីធ្វើកោសល្យវិច្ច័យសមត្ថកិច្ច បានប្រគល់សពជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី៕
