ទុស្សេខ្សែភ្លើង ឆេះផ្ទះពលរដ្ឋ១ខ្នង អស់ទាំងស្រុង នៅភូមិមាន់ហើរ ស្រុកកំពង់សៀម
ខេត្តកំពង់ចាម៖នាព្រឹកថ្ងៃទី០៥ ខែកុម្ភៈ ឆ្នាំ២០២០ មានករណីគ្រោះអគ្គីភ័យមួយបានឆាបឆេះផ្ទះប្រពលរដ្ឋ១ខ្នង មានដំបូលបីខ្នងកន្លះ បណ្តាលឲ្យខួចខាតទាំងស្រុង ស្ថិតនៅភូមិមាន់ហើរ ឃុំហាន់ជ័យ ស្រុកកំពង់សៀម ខេត្តកំពង់ចាម។
បើតាមប្រភពព័ត៌មានបានឲ្យដឹងថា ម្ចាស់ផ្ទះដែលរងគ្រោះ ដោយសាអគ្គីភ័យឆាបឆេះអស់ទាំងនោះមានឈ្មោះ ងួន សុខហេង អាយុ៥៤ឆ្នាំ ភេទប្រុស និងប្រពន្ធឈ្មោះ ឃ្លាំង សុភារស់ អាយុ៤៧ឆ្នាំ ភេទស្រី មុខរបជាគ្រូបង្រៀន។
បើយោងតាមរបាយការណ៍របស់សមត្ថកិច្ចបានឲ្យដឹងថា មូលហេតុដែលបណ្តាលឲ្យឆេះ ដោយសារទុស្សេខ្សែភ្លើង រួចរាលដាលដល់ចំបើងប្រជាពលរដ្ឋក្បែរនោះ១ពំនូកទៀត។បន្ទាប់មកកម្លាំងសមត្ថកិច្ចបាននាំយករថយន្តពន្លត់អគ្គីភ័យមកពីខេត្តចំនួន២រថយន្ដ,អធិការដ្ឋានស្រុកកំពង់សៀមចំនួន២រថយន្ដ,អធិការដ្ឋានស្រុកស្ទឹងត្រង់ចំនួន២ផងដែរ ដោយប្រើប្រាស់ទឹកអស់ចំនួន៦រថយន្តទើបរលត់ជាស្ថាពរ មិនរាលដាលដល់ផ្ទះអ្នកជិតខា។
របាយការដដែរបញ្ជាក់ថា ផ្ទះដែលរងការឆាបឆេះអស់ទាំងស្រុងនេះ មានទំហំ៧ម៉ែត្រគុណ១៥ម៉ែត្រ។ទំហំនៃការខូចខាតនិបាត់បង់រួមមាន៖ប្រាក់ដុល្លារចំនួន១៦០០០ដុល្លារ (មួយម៉ឺនប្រាំមួយពាន់ ដុល្លារ) មាសចំនួន១តំឡឹង៣ជី សម្ភារៈ និងឯកសារមួយចំនួនទៀត៕