ឃាត់ខ្លួនជនសង្ស័យ១នាក់ ពាក់ព័ន្ធករណី ចែកចាយគ្រឿងញៀន
ខេត្តកំពង់ស្ពឺ៖នាថ្ងៃទី៤ ខែកុម្ភៈ ឆ្នាំ២០២០ កម្លាំងមូលដ្ឋានកងរាជអាវុធហេត្ថស្រុកភ្នំស្រួច ដឹកនាំដោយលោកវរសេនីយ៍ត្រី យស ឌីណា បានចុះបង្ក្រាប និងឃាត់ខ្លួនជនសង្ស័យ០១នាក់ ឈ្មោះ សេង គឹមលក្ខ័ ភេទប្រុស អាយុ៣៦ឆ្នាំ មុខរបរមិនពិតប្រាកដ ស្នាក់នៅភូមិតំណាក់ដំរី (ភូមិទី៣) ឃុំត្រែងត្រយឹង ស្រុកភ្នំស្រួច។
ការចុះប្រត្តិបតិការណ៍នេះបានធ្វើឡើងនៅចំណុចភូមិទី៥ ឃុំត្រែងត្រយឹង ស្រុកភ្នំស្រួច។ក្រោយពីឃាត់ខ្លួនកម្លាំងដកហូតបានសម្ភារៈមួយចំនួនរួមមាន៖ម្សៅក្រាមពណ៌សរចំនួន០២កញ្ចប់ធំ,ប្រាក់រៀលចំនួន៣១៥០០០រៀល,ទូរសព្ទ័ប្រភេទNOKIAចំនួន១គ្រឿង,ម៉ូតូ ប្រភេទHONDA WAVE & ពណ៌ទឹកសណ្តែកចំនួន០១គ្រឿង។
បច្ចុប្បន្ន ជនសង្ស័យ រួមនិងវត្ថុតាងខាងលើ ត្រូវបានបញ្ជូនទៅបញ្ជាការដ្ឋានកងរាជអាវុធហត្ថ ខេត្តកំពង់ស្ពឺ ដើម្បីចាត់ការបន្តតាមនិតិវិធី៕