ឃាត់ខ្លួនជនសង្ស័យ១នាក់ ពាក់ពន្ធ័ករណី ជួញដូរគ្រឿងញៀន
រាជធានីភ្នំណេញ៖ដោយអនុវត្តន៍តាមបទបញ្ជាដ៏ខ្ពង់ខ្ពស់របស់ឯកឧត្តមឧត្តមសេនីយ៍ឯក ស ថេត អគ្គស្នងការរង នឹងជាស្នងការនគរបាលរាជធានីភ្នំពេញ និងលោក សុខ ពេញវុធ អភិបាល នៃគណៈអភិបាល ខណ្ឌដូនពេញ កាលពីវេលាម៉ោង១១ និង៣០នាទីនៅថ្ងៃទី១៩ ខែកុម្ភៈ ឆ្នាំ២០២០ កម្លាំងសមត្ថកិច្ចបានបើកការស្រាវជ្រាវរហូតឈាន់ដល់ការបង្ក្រាបបករណីជួញដូរ ដោយខុសច្បាប់នូវសារធាតុញៀន ស្ថិតនៅផ្លូវរថភ្លើង ក្រុម៣៩ ភូមិ៣ សង្កាត់ស្រះចក ខណ្ឌដូនពេញ ដោយធ្វើការឃាត់ខ្លួនជនសង្ស័យម្នាក់ ឈ្មោះ គីម អ៊ន់ ភេទប្រុស អាយុ២០ឆ្នាំ ជនជាតិខ្មែរ មុខរបរនិងទីលំនៅមិនពិតប្រាកដ(ជួញដូរ)។
វត្ថុតាងដកហូតបានក្រាមពណ៌សថ្លាសង្ស័យជាគ្រឿងញៀនចំនួន០២កញ្ចប់(មួយកញ្ចប់តូច និងមួយកញ្ចប់ធំ)។
ក្រោយពីបង្ក្រាបកម្លាំងជំនាញខណ្ឌប៉ុសិ៍្ត បានធ្វើការសាកសួរចម្លើយ ដើម្បីបន្តស្រាវជ្រាវរកបក្ខពួក ក្រុមដទៃផ្សេងទៀត ព្រមទាំងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តតាមនីតិវិធី៕