អាវុធហត្ថក្រុងប៉ោយប៉ែត ឃាត់ខ្លួនជនសង្ស័យចំនួន០២នាក់ ពាក់ពន្ធ័ករណីចែកចាយគ្រឿងញៀន
ខេត្តបន្ទាយមានជ័យ៖ជនសង្ស័យចំនួន០២នាក់ ដែលជាប់ពាក់ពន្ធ័ទៅនឹងករណីចែកចាយគ្រឿងញៀន ត្រូវបានកម្លាំងកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុង បានចុះប្រតិបត្តិការបង្រ្កាប និងដកហូតបាននូវវត្ថុតាងមួយចំនួន ក្រោយពីទទួលបានព័ត៌មានពីប្រជាពលរដ្ឋ។
ការចុះប្រតិបត្តិការបង្រ្កាបនេះបានធ្វើឡើងកាលពីវេលាម៉ោង១១និង៣០នាទី ថ្ងៃទី៣១ ខែមករា ឆ្នាំ២០២០ នៅចំណុចកាស៊ីណូនាគទិព្វ ស្ថិតនៅក្នុងភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ។
លោកវរសេនីយ៍ត្រី នួន នីណារ៉ូ បានឱ្យដឹងថា ជនសង្ស័យដែលឃាត់ខ្លួននោះ
១/ឈ្មោះ សុខ ម៉េង ភេទប្រុស អាយុ២៨ឆ្នាំ។
២/ឈ្មោះ ទូច សីហា ភេទប្រុស អាយុ២៣ឆ្នាំ នាក់ទាំងពីររស់នៅភូមិសាមគ្គីមានជ័យ សង្កាត់/ក្រុងប៉ោយប៉ែត ខេត្តបន្ទាយមានជ័យ ។
វត្ថុតាងដកហូតបានរួមមាន៖គ្រឿងញៀនម្សៅក្រាមពណ៍សថ្លាចំនួន២១កញ្ចប់ ស្មើ៦,៥៣ក្រាម ,ជញ្ជីងថ្លឹងគ្រឿងញៀនចំនួន០១និងសម្ភារ:មួយចំនួន។
នៅចំពោះមុខសមត្ថកិច្ចជនសង្ស័យទាំង០២នាក់ បានឆ្លើយសារភាពថា ខ្លួនពិតជាបានធ្វើសកម្មភាពចែកចាយគ្រឿងញៀនពិតប្រាកដមែន។បច្ចុប្បន្នជនសង្ស័យទាំង០២នាក់ រួមនឹងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការបន្តតាមនីតិវិធី៕
