តុលាការសម្រេចឃុំខ្លួន គរបាលស័ក្ដិ៣ម្នាក់ ពីបទហឹង្សាដោយចេតនា និងធ្វើឲ្យខូចខាតដោយចេតនា
ខេត្តកណ្តាល៖ជនត្រូវចោទឈ្មោះ ហែន លីណា ដែលមានតួនាទីជាមន្ត្រីនគរបាលខេត្តកណ្តាលពាក់ស័ក្តិ៣ ត្រូវបានអយ្យការអមសាលាដំបូងខេត្តកណ្តាល សម្រេចឃុំខ្លួនក្នុងពន្ធនាគារ កាលពីល្ងាចថ្ងៃទី៣១ ខែមករា ឆ្នាំ២០២០ ពីបទហិង្សាដោយចេតនា និងបទធ្វើឱ្យខូចខាតដោយចេតនា ដែលប្រព្រឹត្តនៅផ្សារព្រែកតូច ស្ថិតនៅភូមិព្រៃរុនក្រោម ឃុំព្រែកគយ ស្រុកស្អាង ខេត្តកណ្តាល កាលពីថ្ងៃទី២៥ ខែមករា ឆ្នាំ២០២០។
យោងតាមជីកាបង្គាប់ឲ្យឃុំខ្លួនរបស់ចៅក្រមស៊ើបសួរសាលាដំបូងខេត្តកណ្តាល ចុះថ្ងៃទី៣១ ខែមករា ឆ្នាំ២០២០ បានឲ្យដឹងថា ជនត្រូវចោទឈ្មោះ ហែន លីណា (ហៅ ម៉ាប់)ភេទប្រុស អាយុ៣១ឆ្នាំ ជនជាតិខ្មែរ សញ្ជាតិខ្មែរ មុខរបរមន្ត្រីនគរបាល រៀនថ្នាក់បរិញ្ញាប័ត្រ ទីកន្លែងកំណើតនៅភូមិត្រពាំងភ្លោះ ឃុំជ្រៃធំ ស្រុករមាសហែក ខេត្តស្វាយរៀង និងទីលំនៅមុនពេលឃាត់ខ្លួននៅភូមិស្វាយជួរ ឃុំកោះខែល ស្រុកស្អាង ខេត្តកណ្តាល ឪពុកឈ្មោះ ហែន សាគុណ (ស្លាប់) ម្តាយឈ្មោះ ហុង ណារិន (រស់) ប្រពន្ធឈ្មោះ ឡេង មួយហៀង កូន០១នាក់ជានីតិជន។
ផ្អែកតាមដីបង្គាប់ឱ្យឃុំខ្លួនឲ្យដឹងទៀតថា ជនត្រូវចោទរូបនេះត្រូវបានដាក់ឲ្យស្ថិតនៅក្រោមការពិនិត្យពីបទហិង្សាដោយចេតនា និងបទធ្វើឲ្យខូចខាតដោយចេតនា ជាបទល្មើសព្រហ្មទណ្ឌដែលមានចែង និងផ្តន្ទាទោសតាមបញ្ញត្តិមាត្រា២១៧ និងមាត្រា៤១០នៃក្រមព្រហ្មទណ្ឌ៕
