ស្លាប់ម្នាក់ រងរបួសចំនួន២នាក់ ក្នុងហេតុការណ៍គ្រោះថ្នាក់ចរាចរណ៍ រវាងរថយន្តធន់ធំ ទាំងពីរបុកចំពីមុខ យ៉ាងពេញទំហឹង
ខេត្តបាត់ដំបង៖យ៉ាងហោចណាស់ក៍មានមនុស្សម្នាក់ស្លាប់ និងរងរបួសធ្ងន់ពីរនាក់ ក្នុងករណីគ្រោះថ្នាក់ចរាចរណ៍រវាងរថយន្តធន់ធំទាំងពីរបុកចំពីមុខយ៉ាងពេញទំហឹង។
ហេតុការណ៍នេះកើតឡើង នៅវេលាម៉ោង១៤និង៤០នាទី ថ្ងៃទី១៣ ខែកុម្ភ: ឆ្នាំ ២០២០នៅចំណុច ភូមិប៉ោយសំរ៉ោង ឃុំតាពូង ស្រុកថ្មគោល ខេត្តបាត់ដំបង។
ប្រភពពីសមត្ថកិច្ចបានឲ្យដឹងថា គ្រោះថ្នាក់ចរាចរណ៍គួរឲ្យរន្ធត់នេះ កើតឡើងរវាងរថយន្តធន់ធំដូចគ្នាគឺ
១-រថយន្តម៉ាក ហ៊ីយិនដាយ ពាក់ស្លាកលេខ AT18 (3_0819) បើកបរដោយឈ្មោះសាំ ថាយ ភេទប្រុស អាយុ៣១ឆ្នាំ រស់នៅភូមិព្រះពុទ្ធ ឃុំបឹងរាំង ស្រុកកំរៀង បាត់ដំបង (ស្លាប់)។
២-រថយន្តម៉ាក ហ្វុយសូ យីឌុប ពាក់ស្លាកលេខ ភ្នំពេញ 4A.6992 អ្នកបើកបរ (រងរបួសធ្ងន់) ឈ្មោះឈុំ ភារិន ភេទប្រុស អាយុ៣៧ឆ្នាំ រស់ភូមិព្រៃឃ្ជាយ ឃុំសំរ៉ោង ស្រុកព្រៃឈរ ខេត្តកំពងចាម (របួសធ្ងន់)។
៣-ព្រូឡានឈ្មោះ ខៀវ សុផាត់ ភេទប្រុស អាយុ២១ឆ្នាំ រស់នៅភូមិឃុំជាមួយគ្នា (របួសធ្ងន់)។
បច្ចុប្បន្នសពបានប្រគល់ជូនបងប្អូនយកទៅធ្វើបុណ្យ អ្នករងរបួសដឹកយកមកមន្ទីពេទ្យបង្អែកស្រុកថ្មគោល។ចំណែករថយន្តត្រូវបានសមត្ថកិច្ចអូសមករក្សាទុកនៅអធិការដ្ធាននគរបាលស្រុកថ្មគោល ដើម្បីដោះស្រាយនាពេលក្រោយ៕