ឃាត់ខ្លួនបុរសវ័យ៣០ឆ្នាំម្នាក់ ពាក់ពន្ធ័អំពើលួច មានស្ថានទម្ងន់ទោស
ខេត្តបាត់ដំបង៖បន្ទាប់ពីទទួលបានពាក្យបណ្តឹងពីជនរងគ្រោះឈ្មោះខេន ស្រីណាន ភេទស្រី អាយុ២១ មានទីលំនៅភូមិកំពង់សីមា សង្កាត់វត្តគរ ក្រុងបាត់ដំបងថា មានករណីអំពើលួចមានស្ថានទម្ងន់ទោស(ឆក់ខ្សែក) នៅត្រង់ចំណុចក្រុមទី២ ភូមិដំណាក់ហ្លួង សង្កាត់វត្តគរ ក្រុងបាត់ដំបង នោះកាលពីវេលាម៉ោង១៨ និង៥០នាទីថ្ងៃទី១២ ខែកុម្ភៈ ឆ្នាំ២០២០ កម្លាំងផ្នែកជំនាញព្រហ្មទណ្ឌនៃ អធិការដ្ឋាននគរបាលក្រុងបាត់ដំបង បានចុះធ្វើការស៊ើបអង្កេតស្រាវជ្រាវ រហូតឈានដល់ការឃាត់ខ្លួនជនសង្ស័យ១នាក់ ឈ្មោះ ព្រហ្ម ជីវ៉ា ភេទប្រុស អាយុ៣០ឆ្នាំ មានទីលំនៅភូមិកម្មករ សង្កាត់ស្វាយប៉ោ ក្រុងបាត់ដំបង នៅត្រង់ចំណុចផ្ទះសណាក់កែវមុន្នី ស្ថិតក្នុងភូមិកម្មរ សង្កាត់ស្វាយប៉ោ ក្រុងបាត់ដំបង មកកាន់អធិការដ្ឋានដើម្បីធ្វើការសាកសួរពាក់ព័ន្ធករណីមានស្ថានទមន់ទោស(ឆក់ខ្សែក)។សម្ភារៈបាត់បង់មានៈខ្សែកមាសចំនួន៧ជី។
បើតាមសមត្ថកិច្ចបានឱ្យដឹងថា ដោយយោយតាមការចង្អុលបង្ហាញពីជនរងគ្រោះបញ្ជាថា ជនសង្ស័យខាងលើ នឹងបក្សពួកម្នាក់ទៀតមិនស្គាល់ឈ្មោះ និងអត្តសញ្ញាណពិតជាបានជិះម៉ូតូធ្វើសកម្មភាពឆក់ខ្សែកខ្លួនពិតប្រាកដមែន។
សមត្ថកិច្ចបញ្ជាក់ថា ជនសង្ស័យធ្លាប់ជាប់ពន្ធនាគារចំនួន៣ដង ពាក់ពន្ធ័អំពើលួចមានស្ថានទម្ងន់ទោស។បច្ចុប្បន្ន ជនសង្ស័យ ផ្នែកជំនាញកំពុងរៀបចំសំណុំរឿង ដើម្បីចាត់ការតាមនិតិវិធីច្បាប់៕
![]()
![]()
![]()