កម្លាំងនគរបាល ក្រុងប៉ោយប៉ែត ចាប់ឃាត់ខ្លួនជនសង្ស័យចំនួន៤នាក់ ពាក់ពន្ធ័ករណីគ្រឿងញៀន
ខេត្តបន្ទាយមានជ័យ៖ដោយអនុវត្តតាមការណែនាំពីលោកឧត្តមសេនីយ៍ទោ អាត់ ខែម ស្នងការដ្ឋាននគរបាល ខេត្តបន្ទាយមានជ័យ និងក្រោមការបញ្ជាពីលោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត កម្លាំងប៉ុស្តិ៍ផ្សារកណ្តាល បានចុះប្រត្តិបតិការបង្ក្រាប ករណីប្រើប្រាស់គ្រឿងញៀន ដោយឃាត់ខ្លួនជនសង្ស័យបានចំនួន៤នាក់ កាលពីវេលាម៉ោង១១និង៣០នាទី ថ្ងៃទី៣០ ខែមករា ឆ្នាំ២០២០ នៅចំណុចភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
បើតាមលោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត បានឲ្យដឹងថា៖ជនសង្ស័យដែលត្រូវបានកម្លាំងសមត្ថកិច្ចចាប់ឃាត់ខ្លួននោះរួមមាន៖
ទី១.ឈ្មោះម៉ៅ សៀវហ៊ុយ ភេទប្រុស អាយុ២០ឆ្នាំ រស់នៅព្រៃគប់។
ទី២.ឈ្មោះតាប់ រាំង ភេទប្រុស អាយុ១៩ឆ្នាំ រស់នៅភូមិព្រៃគប់។
ទី៣.ឈ្មោះសឿ សុវណ្ណ ភេទប្រុស អាយុ៣១ឆ្នាំ រស់នៅភូមិទំនប់ក៥ សង្កាត់ផ្សារកណ្តាល។
ទី៤.ឈ្មោះស៊ីម សុភ័ក្រ ភេទប្រុស អាយុ២៦ឆ្នាំ(ដកហូតក្រាមពណ៌សថ្លា០១ថង់តូច) រស់នៅភូមិព្រៃគប់។
លោកអធិការបញ្ជាក់ថា វត្ថតាងក្រាមពណ៌សថ្លា០២ថង់ទៀត ជារបស់ឈ្មោះ កូក ភេទប្រុស ខណៈដែលកម្លាំងសមត្ថកិច្ចកំពុងចុះបង្ក្រាប ក៏បានគ្រវែងចោលនៅក្បែរចំណុចកើតហេតុ។
នៅចំពោះមុខសមត្ថកិច្ចជនសង្ស័យទាំង៤នាក់បានឆ្លើយសារភាពថា ខ្លួនពិតជាអ្នកប្រើប្រាស់គ្រឿងញៀនពិតប្រាកដមែន។
បច្ចុប្បន្នជនសង្ស័យទាំង៤នាក់ ក្រោយពីសាកសួរ សមត្ថកិច្ចបានកសាងសុំណុំរឿង ដើម្បីចាត់ការតាមនិតិវិធី៕