ប្រទះឃើញសពបុរសម្នាក់ចងក នៅដើមត្រខុប ក្នុងដីឡូមួយកន្លែងបង្កឱ្យមានការភ្ញាក់
រាជធានីភ្នំពេញ៖សពបុសមិនស្គាល់អត្តសញ្ញាណម្នាក់ ត្រូវបានពលរដ្ឋប្រទះឃើញចងក នៅដើមត្រខុបស្អុយរលួយ នៅចំណុចក្នុងដីឡូមួយកន្លែង ស្ថិតនៅខាងជើងហ្គ្រេនភ្នំពេញ ភូមិស្វាយប៉ាក សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ បង្កការភ្ញាក់ផ្អើលកាលពីថ្ងៃទី១២ ខែកុម្ភ: ឆ្នាំ២០២០។
ការភ្ញាក់ផ្អើលនេះបានកើតឡើង បន្ទាប់ពីប្រជាពលរដ្ឋបានដើរទៅដីឡូត៍ទំនេរទុកចោល ក៏ស្រាប់តែស្អុយធុំក្លិនស្អុយ ក៏សំលឹងរកមើលស្រាប់តែប្រទះឃើញសាកសពបុរសម្នាក់ចងក ទៅនឹងដើមត្រខុបស្លាប់ ភ្លាមនោះក៏បានប្រាប់អ្នកជិតខាង រួចក៏រាយការណ៍ជូនទៅសមត្ថកិច្ចមូលដ្ឋានឱ្យចុះមកកន្លែងកើតហេតុ។
ក្រោយពីសមត្ថកិច្ចមូលដ្ឋានជំនាញ ធ្វើកោសល្យវិច័យ ជាលទ្ធផលឃើញថា សពពិតជាស្លាប់ដោយសាចងកពិតប្រាកដមែន រួចក៏ដឹកយកទៅតំកល់នៅវត្តព្រែកព្នៅ ដើម្បីធ្វើការស្រាវជ្រាវស្វែងរកសាច់ញាតិនិងក្រុមគ្រួសារមកទទួលយកទៅធ្វើបុណតាមប្រពៃណី៕
