បង្ក្រាបទីតាំងផលិត និងចែកចាយគ្រឿងសម្អាង ខុសច្បាប់ចំនួន០២កន្លែង នៅក្នុងខណ្ឌទួលកគោក
រាជធានីភ្នំពេញ៖កាលពីថ្ងៃទី០៨ ខែមករា ឆ្នាំ២០២០ កម្លាំងសមត្ថកិច្ច នៃគណៈកម្មាធិការប្រយុទ្ធប្រឆាំងផលិតផលក្លែងក្លាយក្រសួងមហាផ្ទៃ និងមានការសម្របសម្រួលពីលោក ចែ សុង ព្រះរាជអាជ្ញារងអមសាលាដំបូងរាជធានីភ្នំពេញ បានចុះបង្ក្រាបទីតាំងផលិត និងចែកចាយគ្រឿងសម្អាង ខុសច្បាប់ចំនួន ០២កន្លែង នៅក្នុងខណ្ឌទួលកគោក ដោយឃាត់ខ្លួនម្ចាស់ទីតាំងម្នាក់ឈ្មោះយ៉ាង ផាន់ណា ភេទប្រុស អាយុ២៦ឆ្នាំ ជនជាតិខ្មែរ។
បើយោងរបាយការណ៍ របស់សមត្ថកិច្ចបញ្ជាក់ថា ទីតាំងទី១ ស្ថិតនៅផ្ទះលេខ៥៨z និងទីតាំងទី២ ផ្ទះលេខ៥០zផ្លូវលេខ១៣៤z ក្រុម២៣ ភូមិ៧ សង្កាត់ផ្សារដេប៉ូ២ ខណ្ឌទួលគោក រាជធានីភ្នំពេញ។
ក្នុងប្រតិបត្តិការណ៍នោះ កម្លាំងសមត្ថកិច្ចដកហូតបានគ្រឿងសម្អាងជាច្រើនប្រភេទ ដែលត្រូវបានផលិតនិងចែកចាយ ដោយខុសច្បាប់យកទៅរក្សាទុកដើម្បីចាត់ការបន្ត។
ចំណែកម្ចាស់ទីតាំងត្រូវសមត្ថកិច្ចនាំខ្លួនទៅសាកសួរនៅគណៈកម្មាធិការគណៈកម្មាធិការប្រយុទ្ធប្រឆាំងផលិតផលក្លែងក្លាយ ដើម្បីកសាងសំណុំរឿងបញ្ជូនទៅតុលាការចាត់ការតាមនិតិវិធី៕
![]()
![]()
![]()