ឃាត់ខ្លួនជនជាតិវៀតណាម៣នាក់ ឆ្លងដែនចូលរកស៊ីក្នុងទឹកកម្ពុជា ខុសច្បាប់
ខេត្តមណ្ឌលគិរី៖ជនជាតិវៀតណាមចំនួន៣នាក់ ដែលឆ្លងដែនចូលរកស៊ីក្នុងទឹកកម្ពុជាខុសច្បាប់ត្រូវបានកម្លាំងនគរបាលស្រុកអូររាំងចាប់ឃាត់ខ្លួន កាលពីថ្ងៃទី០៨ ខែមករា ឆ្នាំ២០២០ នៅចំណុចជិតប៉ុស្តិ៍ការពារព្រំដែនទួលស្វាយ ស្ថិតនៅភូមិពូឡេះ ឃុំដាក់ដាំ ស្រុកអូររាំង បន្ទាប់ពីពួកគេបាន ធ្វើសកម្មភាពយកគ្រឿងចក្រ ដើប្រមូលដំឡូងមីដល់ស្រុកអូររាំង ហើយស្នាក់នៅលើសការកំណត់រហូតដល់២ថ្ងៃឯណោះ ទើបសមត្ថកិច្ចឃាត់ខ្លួនបញ្ជូនទៅវិញ។
នគរបាលស្រុកអូររាំងឲ្យដឹងថា ករណីដែលមានពលរដ្ឋវៀតណាមចូលមករកស៊ីដល់ទឹកដីស្រុកអូររាំងនេះ កន្លងមកមេឃុំដាក់ដាំ បានធ្វើលិខិតស្នើសុំអាជ្ញាធខេត្តមណ្ឌលគិរី ដើម្បីឲ្យឈ្មួញវៀតណាមចូលទិញដំឡូងពលរដ្ឋក្នុងឃុំដាក់ដាំ រយៈពេល៥ខែ ពីព្រោះក្នុងស្រុកពុំមានទីផ្សារគ្រប់គ្រាន់។
មេប៉ុស្គិ៍នគរបាលការពារព្រំដែនណាំលៀ លោក សំរឹទ្ធ ណយ បានឲ្យដឹងដែរថា ក្រុមពលរដ្ឋវៀតណាមដែលសមត្ថកិច្ចស្រុកអូររាំងឃាត់ខ្លួននេះពិតជាឆ្លងចូលកម្ពុជា តាមច្រកដែលគាត់គ្រប់គ្រងប្រាកដមែនព្រោះជាច្រកទ្វេភាគី អាចយកគ្រឿងចូលបាន ព្រោះមានមន្ត្រីគយប្រចាំការទីនេះដែរ តែចូលព្រឹកចេញវិញ ល្ងាចត្រឹម១២ម៉ោងប៉ុណ្ណោះក្នុងស្រុកពេជ្រាដា។លោកថា ជនជាតិវៀតណាមចូលទិញដំឡូង ដោយត្រាក់ទ័រ បច្ចុប្បន្នជនជាតិវៀតណាមទាំងនេះត្រូវបានការិយាល័យជំនាញ បំពេញបែបបទបញ្ជូនខ្លួនទៅវិញហើយ៕
