ក្រសួងព័ត៌មាន ស្នើឱ្យអ្នកសារព័ត៌មាន ផ្សព្វផ្សាយឱ្យបានទូលំទូលាយ ពីការធ្វើលំហាត់សមយុទ្ធទ្រង់ទ្រាយធំ ប្រចាំឆ្នាំនាថ្ងៃទី១០ មករា
រាជធានីភ្នំពេញ៖ដើម្បីកុំឲ្យសាធារណ:ជនមានការភាន់ច្រឡំ អំពីព្រឹត្តិការណ៍នាថ្ងៃទី១០ ខែមករា ឆ្នាំ២០២០ខាងមុខនេះ នៅអាកាសយានដ្ឋានអន្តរជាតិភ្នំពេញ មានរៀបចំធ្វើលំហាត់សមយុទ្ធទ្រង់ទ្រាយធំប្រចាំឆ្នាំ "ក្រោមប្រធានបទការសង្គ្រោះចំណាប់ខ្មាំងលើយន្តហោះ" ក្រសួងព័ត៌មានបានស្នើឲ្យម្ចាស់ ប្រព័ន្ធផ្សព្វផ្សាយទាំងអស់ ផ្សព្វផ្សាយឲ្យបានទូលំទូលាយបំផុត។
យោងតាមសេចក្តីជូនដំណឹង របស់ក្រសួងព័ត៌មានបានបញ្ជាក់ថា នាព្រឹត្តិកាណ៍សមយុទ្ធនោះ មានការចូលរួមពីស្ថាប័នកងកម្លាំងប្រដាប់អាវុធរួមទាំងមាន យន្តហោះ រថយន្តពន្លត់អគ្គីភ័យ រថយន្តសង្គ្រោះបន្ទាន់ និងរថយន្តកងកម្លាំងប្រដាប់អាវុធ។ល។ចូលរួមធ្វើសមយុទ្ធទ្រង់ទ្រាយធំប្រចាំឆ្នាំនេះ។
ដូច្នេះដើម្បីបង្កលក្ខណ:ងាយស្រួល ក្នុងកិច្ចការប្រតិបតិ្តការឲ្យបានរលូន ទទួលបានជោគជ័យ និងដើម្បីកុំឲ្យសាធារណៈជនមានការភាន់ច្រឡំអំពីព្រឹត្តិការណ៍នេះ សូមម្ចាស់ប្រព័ន្ធផ្សព្វផ្សាយទាំងអស់ធ្វើការផ្សព្វផ្សាយព័ត៌មាន ស្ដីអំពីការធ្វើលំហាត់សមយុទ្ធទ្រង់ធំនេះ ឱ្យបានទូលំទូលាយបំផុត៕
