ចាប់ឃាត់ខ្លួនជនសង្ស័យចំនួន៣នាក់ ពាក់ពន្ធ័ករណីជួញដូគ្រឿងញៀន
រាជធានីភ្នំពេញ៖ដោយអនុវត្តតាមបញ្ជារបស់នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ នាយឧត្តមសេនីយ៍ ម៉ក់ ជីតូ អគ្គស្នងការរង ទទួលផែនប្រឆាំងគ្រឿងញៀន និងលោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន កាលពីថ្ងៃទី០៧ ខែមករា ឆ្នាំ២០២០កម្លាំងនគរបាលនៃមន្ទីរប្រឆាំងគ្រឿងញៀន របស់អគ្គស្នងការដ្ឋាននគរបាលជាតិ និងមានការសម្របសម្រួលពី លោក គុជ គឹមឡុង ព្រះរាជអាជ្ញារងរាជធានីភ្នំពេញ បានបើកប្រតិបត្តិការបង្ក្រាបករណីជួញដូរគ្រឿងញៀនមួយករណី ដោយឃាត់ខ្លួនជនសង្ស័យបានចំនួន៣នាក់ និងដកហូតបានវត្ថុតាងថ្នាំញៀនជាង១៤គីឡូក្រាម នៅចំណុចខារ៉ាអូខេ ផ្ទះលេខ៥៦ ផ្លូវលេខ២៣០ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។
ជនសង្ស័យដែលត្រូវបានកម្លាំងសមត្ថកិច្ចជំនាញចាប់ឃាត់ខ្លួនបាននោះរួមមាន៖
ទី១៖ឈ្មោះ ម៉េង ឌី អាយុ២២ឆ្នាំ។
ទី២៖ឈ្មោះ ប៊ុនធឿន ធានី អាយុ២៣ឆ្នាំ និង។
ទី៣៖ឈ្មោះ ជា ភារុណ អាយុ២១ឆ្នាំ។វត្ថុតាងចាប់យកបានរួមមាន៖មេតំហ្វេតាមីន (ICE) ទម្ងន់សុទ្ធ៥,២២២.៨៣ក្រាម,នីមេតាហ្សេប៉ាមទម្ងន់៨,៨២៩.៧២ក្រាម ស្មើនឹង៤៩,០៥៤គ្រាប់។
បច្ចុប្បន្នជនសង្ស័យទាំង៣នាក់ កម្លាំងនគរបាលជំនាញកំពុងសាកសួរនិងកសាងសំណុំរឿង ដើម្បីបញ្ជូនទៅតុលាការ ចាត់ការបន្ដតាមនីតិវិធី៕