បណ្តេញជនជាតិចិនប្រុស ស្រីចំនួន៦១នាក់ ដែលពាក់ពន្ធ័បទល្មើសឆបោកតាមប្រព័ន្ធទូរគមនាគមន៍ ចេញពីកម្ពុជា
រាជធានីភ្នំពេញ៖ដោយមានការចង្អុលដឹកនាំពី លោកនាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ បានអនុញ្ញាតឲ្យលោកឧត្តមសេនីយ៍ទោ វឌ្ឍន: មង្គល ប្រធាននាយកដ្ឋានស៊ើប និងអនុវត្តនីតិវិធី សហការជាមួយប៉ុស្តិ៍នគរបាលច្រកទ្វារអាកាសយាន្តដ្ឋានអន្តរជាតិភ្នំពេញ នៅថ្ងៃទី៨ ខែមករា ឆ្នាំ២០២០ ធ្វើការបណ្តេញចេញជនជាតិចិនចំនួន៦១នាក់ ក្នុងនោះមានស្រីចំនួន០៦នាក់ផងដែរ។
លោកឧត្តមសេនីយ៍ទោ វឌ្ឍន: មង្គល ប្រធាននាយកដ្ឋាន បានឲ្យដឹងថា ជនជាតិចិនទាំងអស់មនេះត្រូវបានតំណាងស្ថានទូតចិន ប្រចាំព្រះរាជាណាចក្រកម្ពុជា រួមជាមួយសមត្ថកិច្ចនគរបាល ពីប្រទេសចិនមកទទួល និងអមដំណើរទៅប្រទេសចិនវិញ។
លោកបញ្ជាក់ទៀតថា៖ជនសង្ស័យទាំងអស់នេះទទួលមកពីនាយកដ្ឋានប្រឆាំងបទល្មើសល្បែងពាណិជ្ជកម្ម នៃអគ្គស្នងការដ្ឋាននគរបាលជាតិ បទល្មើសឆបោកតាមប្រព័ន្ធទូរគមនាគមន៍ ត្រូវបានបណ្តេញចេញតាមប្រកាសក្រសួងមហាផ្ទៃ ហាមចូលព្រះរាជាណាចក្រកម្ពុជា រយៈពេល៣ឆ្នាំ ដោយមានយន្តហោះពិសេសចំនួន២គ្រឿង មកទទួល។ហើយបែងចែកជា២ក្រុម
ក្រុមទី១ ជើងហោះហើរលេខ MF 8810 ជនសង្ស័យចំនួន២៦នាក់ ស្រី៥នាក់ និង
ក្រុមទី០២ ជើងហោះហើរលេខ MU 7044 ជនសង្ស័យចំនួន៣៥នាក់ ស្រី១នាក់៕
