សម្តេចពិជ័យសេនា ទៀ បាញ់ ៖នយោបាយឈ្នះ ឈ្នះ គឺជារូបមន្តនៃការបញ្ចប់សង្គ្រាម កសាងសន្តិភាព នាំមកនូវការអភិវឌ្ឍនៅកម្ពុជា យើងទាំងអស់គ្នា ត្រូវអរគុណសន្តិភាព
ខេត្តសៀមរាប៖សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និង ជាប្រធានក្រុមការងារថ្នាក់ជាតិ ចុះជួយមូលដ្ឋានខេត្តសៀមរាប នៅតែបានចាត់ទុកនិវត្តន៍ជន ជាធនធានមនុស្សដ៏សំខាន់នៃប្រទេសជាតិ ដែលជារៀបច្បង សម្រាប់មន្ត្រីរាជការយើងជំនាន់ក្រោយ ដែលជាអ្នកបន្តវេន ក្នុងកិច្ចអភិវឌ្ឍប្រទេស និងសង្គមជាតិ។
សម្តេចបានបន្តទៀតថា ការធ្វើដំណើរនៃនាវាកម្ពុជា ដោយការចាកចេញពីចំណុចសូន្យ ចាប់ពីថ្ងៃ៧ មករា១៩៧៩ មកដល់ការអភិវឌ្ឍនាពេលបច្ចុប្បន្ននេះ ដោយឆ្លងកាត់ព្យុះភ្លៀង នយោបាយពីខាងក្រៅផង ទប់ស្កាត់ការវិលត្រឡប់ នៃរបបប្រល័យពូជសាសន៍ផង គឺជាប្រវត្តិដក់ជាប់នៅក្នុងជីវិតបងប្អូននិវត្តជនគ្រប់រូប។
សម្តេចមានប្រសាសន៍ដ៏មានអត្ថន័យនេះ ក្នុងឱកាសដែលសម្តេច បានអញ្ជើញជាអធិបតីក្នុងពិធីជួបសំណេះសំណាល សួសុខទុក្ខ បងប្អូន មន្រ្តីរាជការ ចូលនិវត្តន៍ប្រមាណ៩១៥នាក់ កាលពីថ្ងៃទី០៧ ខែមករា ឆ្នាំ២០២០ ក្នុងឱកាសនៃការប្រារព្ធខួប៤១ឆ្នាំ ទិវាជ័យជម្នះ ៧មករា ១៩៧៩-២០២០ នៅខេត្តសៀមរាប។
ក្នុងឱកាសនោះដែរសម្តេចពិជ័យសេនា ក៏បានលើកផងដែរ អំពីគំនិត ក្បត់ជាតិរបស់ទណ្ឌិត សម រង្ស៊ី ដែលចងធ្វើរដ្ឋប្រហាផ្តួលរលំព្រះមហាក្សត្រ និងរាជរដ្ឋាភិបាលកម្ពុជាស្របច្បាប់ ដែលកើតចេញឡើងពីការបោះឆ្នោតរបស់ប្រជាពរដ្ឋ កាលពីថ្ងៃទី៩ វិច្ឆិកា ២០១៩ ហើយត្រូវទទួលបរាជ័យ ក្រោមកណ្តាប់ដៃរបស់ប្រជាជនស្រឡាញ់សន្តិភាព អរគុណ!សន្តិភាព។
សម្តេចពិជ័យសេនាបានបញ្ជាក់ថា ដូច្នេះបងប្អូននិវត្តជន គឺជាបណ្ណាល័យរស់នៃប្រវត្តិសាស្រ្តកម្ពុជា ដែលត្រូវបានរក្សាទុក ស្មារតី ៧មករា ១៩៧៩ ក៏ដូចជាព្រឹត្តិការណ៍គ្រប់ ជំនាន់ ដើមី្បចែករំលែកការយល់ដឹងដល់កូនចៅជំនាន់ក្រោយ ៗ និងរួមគ្នាបន្តថែរក្សានូវសន្តិភាព នៅកម្ពុជាឲ្យបានគង់វង្សតទៅអនាគត។នេះជាប្រពៃណីនៃវប្បធម៌របស់គណបក្សប្រជាជន ក្នុងការជួបជុំ មិត្តភ័ក្តរួមការងារ តែងបានឧបត្ថម្ភជាថវិកា ដល់បងប្អូននិវត្តជនទាំង៩១៥នាក់ ម្នាក់ៗ ទទួលបានថវិកា ១០ម៉ឺនរៀល ។
នាថ្ងៃដដែលនោះដែរប្រតិភូខេត្ត បានអញ្ជើញចុះសួរសុខទុក្ខបងប្អូនប្រជាពលរដ្ឋ នាយទាហាន ពលទាហាន ដែលមានជម្ងឺ កំពុងសម្រាក់ព្យាបាលនៅមន្ទីរពេទ្យបង្អែកខេត្តសៀមរាប និង មន្ទីរពេទ្យយោធភូមិភាគទី៤ ដោយបានធ្វើការផ្តាំផ្ញើដល់បងប្អូនអ្នកជម្ងឺទាំងអស់ ឲ្យយកចិត្តទុកដាក់ក្នុងការប្រតិបត្តិទៅតាមវេជ្ជបញ្ជារបស់គ្រូ ពេទ្យ ដើមី្បឲ្យបានឆាប់ជាផ្សះស្បើយ និងវិលត្រឡប់ទៅកាន់អង្គភាព និងលំនៅដ្ឋានវិញ ដើមី្បបំពេញការងារ និង ប្រកបរបរចិញ្ចឹមជីវិតក្រុមគ្រួសារផងដែរ៕
