តុលាការផ្ដន្ទាទោស ជនត្រូវចោទ ប៉ុនប៉ងបាញ់សម្លាប់ ជនរងគ្រោះ ២នាក់ប្ដីប្រពន្ធ នៅខណ្ឌច្បារអំពៅ ដាក់ពន្ធនាគារចំនួន១០ឆ្នាំ
រាជធានីភ្នំពេញ៖ជនត្រូវចោទ ដែលមានតួនាទីជាអតីតអនុប្រធាននាយកដ្ឋាន នគរបាលព្រហ្មទណ្ឌ នៃក្រសួងមហាផ្ទៃ វរសេនីយ៍ទោ ឌួង ណាគ្រី ដែលបាញ់ប្រហារ ប៉ុនប៉ងបាញ់សម្លាប់ ជនរងគ្រោះ ២នាក់ប្ដីប្រពន្ធ កាលពីវេលាម៉ោង១យប់រំលងអធ្រាត្រ ឈានចូលថ្ងៃទី០២ ខែឧសភា ឆ្នាំ២០១៩ ស្ថិតនៅតាមបណ្ដោយផ្លូវ៣៦៣ ត្រង់ចំណុចអធិការខណ្ឌច្បារអំពៅ ក្នុងសង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ ត្រូវបានតុលាការផ្ដន្ទាទោស នៅថ្ងៃទី០៣ ខែមករា ឆ្នាំ២០២០ ដាក់ពន្ធនាគារចំនួន១០ឆ្នាំ។
ជនជាប់ចោទមានឈ្មោះ ដួង ណាគ្រី ភេទប្រុស អាយុ៤៧ឆ្នាំ មុខរបរជាអនុប្រធាន នាយកដ្ឋានព្រហ្មទណ្ឌ ក្រសួងមហាផ្ទៃ មានទីលំនៅស្នាក់នៅផ្ទះលេខ៩៤៣ ផ្លូវ៣៦០ ស្ថិតក្នុងសង្កាត់បឹងកេងកងទី៣ ខណ្ឌចម្ការមន រាជធានីភ្នំពេញ។ចំណែកជនរងគ្រោះមានឈ្មោះ ភូរិស្ស ស្តូរ៉ាន់ ភេទប្រុស អាយុ៣៤ឆ្នាំ មានទីលំនៅស្នាក់នៅសង្កាត់ព្រែកប្រា ខណ្ឌច្បារអំពៅ៕