បណ្តេញចេញជនជាតិចិនចំនួន០៧នាក់ ទៅប្រទេសខ្លួនវិញ ពាក់ព័ន្ធនឹងបទល្មើស ឆបោកតាមប្រព័ន្ធទូរគមនាគមន៍
រាជធានីភ្នំពេញ៖ដោយមានការចង្អុលពីនាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ បានអនុញ្ញាតឲ្យ លោកឧត្តមសេនីយ៍ទោ វឌ្ឍនៈ មង្គល ប្រធាននាយកដ្ឋានស៊ើបអង្កេត និងអនុវត្តនីតិវិធី សហការជាមួយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ ធ្វើការបណ្តេញចេញជនជាតិចិនចំនួន០៧នាក់ ទៅប្រទេសរបស់ខ្លួនវិញនៅព្រឹកថ្ងៃសុក្រ ០៩កើត ខែបុស្ស ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៣ ខែមករា ឆ្នាំ២០២០ តាមជើងហោះហើរលេខ ZH9028, MU250, 9CY242 ដោយមានសមត្ថកិច្ចមកពីប្រទេសចិនចំនួន ២២នាក់ មកទទួល និងអមដំណើរទៅជាមួយ។
លោកឧត្តមសេនីយ៍ទោ វឌ្ឍនៈ មង្គល ប្រធាននាយកដ្ឋានបានឲ្យដឹងថា ជនជាតិចិនទាំង០៧នាក់នេះរួមមាន៖ទី១- ឈ្មោះ NI MINGDONG ភេទប្រុស។
ទី២- ឈ្មោះ WANG JINLON ភេទប្រុស។
ទី៣- ឈ្មោះ NI JIANWEN ភេទប្រុស។
ទី៤- ឈ្មោះ ZHANG MENG ភេទប្រុស។
ទី៥- ឈ្មោះ NI JIANHE ភេទប្រុស។
ទី៦- ឈ្មោះ SHAN LIANG ភេទស្រីនិង។
ទី៧- ឈ្មោះ XU ZHONG GUI ភេទប្រុស។
លោកប្រធាននាយកដ្ឋាន បានបន្តថា ជនសង្ស័យខាងលើទទួលមកពីនាយកដ្ឋានប្រឆាំងបទល្មើសល្បែងពាណិជ្ជកម្ម នៃអគ្គស្នងការដ្ឋាននគរបាលជាតិ ពាក់ព័ន្ធនឹងបទល្មើស ឆបោកតាមប្រព័ន្ធទូរគមនាគមន៍ ត្រូវបានបណ្តេញចេញតាមប្រកាសក្រសួងមហាផ្ទៃ៕