ប្រជាពលរដ្ឋចំនួន១០៤គ្រូសារ ស្ថិតក្នុងឃុំបិតត្រាំង ស្រុកព្រៃនប់ កំពុងដាក់ពាក្យបណ្តឹង ទៅស្នងការនៃស្នងការដ្ឋាននគរបាលខេត្តព្រះសីហនុ ដើម្បីជួយស្រាវជ្រាវវែកមុខបន្តរបស់ក្រុមអាណាធិបតេយ្យរបស់ក្រុមលោក សុខ សាន្ត ដែលគ្រប់គ្រងជួលដោយ លោកវរសេនីយ៍ទោ សុខ រ៉ាថន ជានាយរងលេខាធិការដ្ឋានសេនាធិការចម្រុះ អគ្គបញ្ជាការ នៅតែបន្តសកម្មភាពអុកឡុករំខាន ដល់ប្រជាពលរដ្ឋដ៏ដែលៗ ដោយមិនញញើតនិងច្បាប់នោះឡើយ
ខេត្ត ព្រះសីហនុ៖ក្រោយពីអង្គភាពសារព័ត៌មានជាច្រើនបានចុះផ្សាយរឿងលោក សុខ រ៉ាថន មានតួរនាទីជានាយរងលេខាធិការដ្ឋានសេនាធិការចម្រុះអគ្គបញ្ជាការ ដឹកនាំដោយឈ្មោះ សុខ សាន្តនិងបក្សពួកមួយចំនួនទៀតតែងតែដើរធ្វើសកម្មភាព ដើរយកដីយ៉ាងអនាធិបតេយ្យ ខណ:ពេលខ្លួនដឹងថា ហាងឆេងដីធ្លីនៅតំបន់នោះ ហក់ឡើង មានតម្លៃខ្ពស់ និងមានការអភិវឌ្ឍន៍ជាបន្តបន្ទាប់នោះ។
ជាក់ស្ដែងនៅយប់ថ្ងៃទី០៧ ខែធ្នូ ឆ្នាំ២០២០ អង្គភាពសារព័ត៌មានយើងបានទទួលពាក្យបណ្តឹង ពីប្រជាពលរដ្ឋឲ្យជួយផ្សព្វផ្សាយពីររឿង លោក សុខ រ៉ា ថន ដើម្បីឲ្យថ្នាក់ដឹកនាំខាងលើៗឲ្យបានដឹងពីសកម្មភាពដ៏គឃ្លើនបក្សពួកសង្គមងងឹតមួយក្រុមនេះតែងតែឆ្លៀតឱកាស អុកឡុក និងវាទទីប៉ះពាល់ដល់ប្រជាពលរដ្ឋកក្តាទាំងនេះបានធ្វើឱ្យប៉ះពាល់ ដល់ការរស់នៅ ដោយសុខសាន្ត របស់ប្រជាពលរដ្ឋរស់នៅ តំបន់នោះ ជាពិសេសបានប៉ះពាល់យ៉ាងធ្ងន់ធ្ងរ នូវអនុសាសន៍ សម្ដេចតេជោ ហ៊ុនសែននាយករដ្ឋមន្ត្រី នៃព្រះរាជាណាចក្រកម្ពុជា ថា៖«អគុណសន្តិភាព»ដែលថ្នាក់ដឹកនាំ និងមន្ត្រីក្រោមឱវាទ នៅទូទាំងព្រះរាជាណាចក្រកម្ពុជាយើង មួយចំនួនធំ បានគោរពប្រតិបត្តិតាមគ្រប់ៗគ្នា របស់អនុសាសន៍ខ្ពង់ខ្ពស់ ដ៏ថ្លៃថ្លាមួយនេះ កំពង់នាំឱ្យមានការអភិវឌ្ឍន៍ ជឿនលឿន សំបូររុងរឿង ភ្លឺត្រចះត្រចង់តទៅអនាគត។
យោងតាមបានរាយការណ៍ពាក្យបណ្តឹង បានរាបរាប់រឿងរ៉ាវមូលបង្កាច់ និងបង្ករបញ្ហាជាច្រើន ដែលធ្វើឲ្យប្រជាពលរដ្ឋមានការភយ័ព្រួយ ក្តៅក្រហាយទាំងយប់ទាំងថ្ងៃ នាពេលបច្ចុប្បន្ននេះ។
សកម្មភាពរបស់ជនទាំងនោះ គឺធ្វើឡើងដោយមានក្បាលម៉ាស៊ីនច្បាស់លាស់ ដែលបានរៀបចំឡើងដោយបែងចែកគ្នាជាក្រុមៗ មានដូចជាក្រុមវាស់ដីដោយប្រើឧបករណ៍ជីភីអេស ក្រុមប្រើប្រាស់គ្រឿងចក្រ ក្រុមជនអនាធិប្បតេយ្យ និងក្រុមពួកកាងដីធ្លីដែលមានមន្ត្រីអាងអំណាចមួយចំនួនតូចចូលរួម។
ទង្វើរបស់ពួកគេបានប្រើប្រាស់ក្រុមជនអនាធិបតេយ្យមកអុកឡុកជាមុន ដើម្បីឲ្យប្រជាពលរដ្ឋមានការភិតភយ័រត់ចោលផ្ទះសម្បែងទៅកាន់កន្លែងមានសុវត្ថិភាព ហើយពួកគេទាំងនោះ ឆ្លៀតឱកាសយកដីប្រជាពលរដ្ឋតែម្តង។
ពួកគេបានប្រើប្រាស់គ្រឿងចក្រចូលឈូសឆាយផ្ទះសម្បែងប្រជាពលរដ្ឋទាំងយប់ហក់ចូលរបងផ្ទះរបស់ប្រជាពលរដ្ឋដើម្បីលួចមាន់ ទា ឆ្កែ កសិផល និងទ្រព្យសម្បត្តិផ្សេងៗដែលមាន ហើយយក
មកផ្តុំគ្នាស៊ីផឹកទាំងយប់យ៉ាងគគ្រឹកគគ្រេង ដោយគ្មានការខ្លាចញញើតដល់អាជ្ញាធរ មានសមត្ថកិច្ចក្នុងតំបន់នេះឡើយ។ភាគច្រើននៃក្រុមជនអនាធិប្បតេយ្យទាំងនោះ គឺមិនមានអគ្គសញ្ញាណច្បាស់លាស់នោះទេ ហើយភាគច្រើននៃពួកជនទាំងនោះ ជាពួកញៀនថ្នាំ ប្រើចំពាមកៅស៊ូ កាំបិត ពូថៅ ដំបង ដុំថ្ម បំពង់ទីប ដាវសាម៉ូរៃ និងអាវុធខ្លីជាដើម។ល។ដើម្បីលួចឈូសឆាយ និងចូលកាន់កាប់ដីធ្លីរបស់ប្រជាពលរដ្ឋយ៉ាងអនាធិប្បតេយ្យ។
បន្ទាប់មកពួកគេបានធ្វើការសហការជាមួយក្រុមមន្ត្រីមានអំណាចមួយចំនួនតូចទាំងនោះមករៀបចំការបោសសម្អាតរួមទាំងរៀបចំផែនការទម្លាក់កំហុសទៅខាងភាគីប្រជាពលរដ្ឋណាដែលហ៊ានតបត និងតវ៉ាប្រឆាំងទាស់ជាមួយក្រុមពួកគេ រួមទាំងបោះពាក្យគម្រាមសម្លាប់ ចាប់ដាក់គុក និងយកការរស់នៅរបស់ប្រជាពលរដ្ឋមកធ្វើជាល្បែងចាក់ភ្នាល់ថា នឹងវាយផ្ទះអ្នកនេះ អ្នកនោះ និងបញ្ចេញរូបភាពដែលមិនបានបញ្ជាក់ប្រភពច្បាស់លាស់ យកមកគម្រាមសម្លាប់ថែមទៀត។
មតិជាច្រើនរបស់ប្រជាពលរដ្ឋសុទ្ធតែមានការងឿងឆ្ងល់យ៉ាងខ្លាំងថា៖ចុះមូលហេតុអ្វីបានជាសកម្មភាពយ៉ាងគគ្រឹកគគ្រេងនៅចំកណ្តាលខេត្តព្រះសីហនុយ៉ាងនេះហើយ ហើយនៅតែមិន
បានដឹងឮដល់អាជ្ញាធរមានសមត្ថកិច្ច ពិសេសអាជ្ញាធរមានសមត្ថកិច្ចនៅឃុំបិតត្រាំង ស្រុកព្រៃនប់ខេត្តព្រះសីហនុនេះតែម្តង។
ពួកគាត់នៅតែមានទំនុកចិត្តយ៉ាងមុតមាំថា អាជ្ញាធរមានសមត្ថកិច្ចរបស់ខេត្តព្រះសីហនុ ក្រោមការដឹកនាំរបស់ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុដែលលោក ត្រូវបានសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តែងតែទំនុកចិត្តយ៉ាងខ្លាំងក្នុងនាមជាអភិបាលនៃគណៈអភិបាលខេត្ត ដែលមានអភិបាលកិច្ចដ៏ល្អជាងគេ និងជួយរកដំណោះស្រាយយ៉ាងរលូនរាល់គ្រប់កិច្ចការក្នុងការគ្រប់គ្រងនិងការពារដំបូលសន្តិភាពរបស់សម្តេចជូនប្រជាពលរដ្ឋ។
នៅព្រឹកថ្ងៃទី៨ ខែធ្នូ ឆ្នាំ ២០២០ តំណាងក្រុមហ៊ុន ដីសម្បទានសេដ្ឋកិច្ច ហ៊្វូហៃ បានអះអាងថា៖ កុំថាឡើយបញ្ជាឱ្យគេទៅ កាប់បំផ្លាញផលដំណាំ ឬដុត ឈូសឆាយ ផ្ទះសម្បែង ប្រជាពលរដ្ឋ សូម្បីតែបង្គោល របង១ដើម ក៏ក្រុមហ៊ុនមិនឱ្យប៉ះពាល់របស់ប្រជាពលរដ្ឋជាដាច់ខាត ហើយការអភិវឌ្ឍន៍នេះផងដែរ ក្រុមហ៊ុនឈរលើគោលនយោបាយឈ្នះៗ មិនឱ្យប្រជាពលរដ្ឋណារងគ្រោះ ឬ មានការឈឺចាប់ ក្ដៅ ក្រហាយ ស្រក់ទឹកភ្នែក ដោយសារការអភិវឌ្ឍន៍ របស់ក្រុមហ៊ុនឡើយ តែសូមឱ្យប្រជាពលរដ្ឋប្រកាន់នូវភាពសុច្ចរឹត ត្រឹមត្រូវ យុត្តិធម៌ ក្នុងការសម្របសម្រួល ក្នុងការដោះស្រាយបញ្ចប់បញ្ហាទំនាស់រវាងក្រុមហ៊ុន និងប្រជាពលរដ្ឋ ដែលកំពង់សេសល់៕
