ប្រជាពលរដ្ឋខ្មែរ ដែលវិលត្រឡប់ប្រទេសថៃ ចូលមកកម្ពុជា តាមច្រកអូរបីជាន់ ក្រុមគ្រូពេទ្យ មន្ត្រីជំនាញត្រួតពិនិត្យវាស់កំដៅ រួចបញ្ជូនទៅមន្ទីរពេទ្យក្រុងប៉ោយប៉ែត ដើម្បីធ្វើចត្តាឡីស័ករយះពេល១៤ថ្ងៃជាកំហិត
ខេត្តបន្ទាយមានជ័យ៖ដោយសារប្រទេសថៃ នៅក្នុងខេត្តសាមុទ្រសាខន ផ្ទុះឡើងវិញនូវជំងឺឆ្លងកូវីដ១៩ ដែលជាក្តីបារម្មណ៍និងក្រោយពីទទួលបានបទបញ្ជាពីសម្តេចតេជោ ប្រមុខថ្នាក់រាជរដ្ឋាភិបាលកម្ពុជា គណះបញ្ជាការឯកភាពរដ្ឋបាលខេត្ត/ក្រុង ថ្នាក់ដឹកនាំកងកម្លាំងប្រដាប់អាវុធគ្រប់ស្ថាប័នខេត្ត/ក្រុង និងអាជ្ញាធរមូលដ្ឋាន បានអញ្ជើញចុះត្រួតពិនិត្យមើលនូវស្ថានភាពទូទៅតាមបន្ទាត់ព្រំដែនកម្ពុជា-ថែ ពិសេសនៅច្រកអូរបីជាន់ ស្ថិតនៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យតែម្តង ដើម្បីដាក់វិធាការបន្ថែមក្នុងការពង្រឹងការគ្រប់គ្រងប្រជាពលរដ្ឋ ដែលបានវិលត្រឡប់មកពីប្រទេសថៃឲ្យបានហ្មត់ចត់តឹងរឹងបំផុត ដោយត្រួតពិនិត្យវាស់កំដៅ រួចបញ្ជូនទៅមន្ទីរពេទ្យក្រុងប៉ោយប៉ែត ដើម្បីធ្វើចត្តាឡីស័ករយះពេល១៤ថ្ងៃ ឲ្យបានត្រឹមត្រូវតាមវិធានការរបស់ក្រសួងសុខាភិបាល។
បើតាមក្រុមគ្រូពេទ្យ និងមន្ត្រីជំនាញដែលប្រចាំការនៅចំណុចខាងលើបានឲ្យដឹងថា ក្រោយពីទទួលបានបទបញ្ចាពីសម្តេចតេជោមក មន្ត្រីជំនាញពាក់ពន្ធ័ទាំងអស់បានរឹតបន្តឹងបំផុត នៅពេលដែលពួកកាត់ចេញពីទឹកដីថៃ មិនអនុញ្ញាតឲ្យពួកគាត់ចេញទៅណាបាត់មួយនាក់នោះទេ ដោយធ្វើការពិនិត្យសំណាក និងធ្វើចត្តាឡីស័ករយះពេល១៤ថ្ងៃ មិនខ្វល់ពីការពិនិត្យឃើញមានការសង្ស័យឬមិនមាននោះទេ ដោយយកយុទ្ធសាសចាស់របស់សម្តេចតេជោកាលពីអំឡុងខែមិនាកន្លងទៅ ដោយកាលនោះមិនមានអ្នកឆ្លងនោះទេ ដើម្បីទប់ស្កាត់ការរីករាដាលក្នុងសហគម។
មន្ត្រីជំនាញដដែរបន្តថា ប្រជាពលរដ្ឋដែលចេញពីទឹកដីថៃ ក្រោយពិនិត្យរួចត្រូវបានបញ្ជូនទៅកន្លែកពិនិត្យសំណាកនិងធ្វើចត្តាឡីស័ករយះពេល១៤ថ្ងៃ នៅចំនួន៤ទីតាំងដែលអាជ្ញាធរខេត្ត និងក្រុងបានរៀបចំរួចជាស្រាចរួមមាន៖ទី១-នៅមន្ទីរពេទ្យបង្អែកប៉ោយប៉ែត(ដីថ្មី) ,ទី២-មណ្ឌលសុខភាពប៉ោយប៉ែត១ ,ទី៣-សាលាព្រហ្មនិមិត្ត និងទី៤-សាលាវិទ្យាល័យនិមិត្តថ្មី។មន្ត្រីជំនាញដដែរបញ្ជាក់ថា ពលរដ្ឋដែលចេញមកពីទឹកដីថៃរយះពេលកន្លងមកក៏ដូចជាពេលនេះសុទ្ធសឹងតែជួបបញ្ហាដោយសារដាច់ប៉ាស្ព័រ, អត់មានការងារធ្វើ និងមានធុរៈក្នុងគ្រួសារ។ចាប់តាំងពីកើតមានវិបត្តិជំងឺកូវីត១៩ រយៈពេលជិត១ឆ្នាំមក ប្រជាពលរដ្ឋខ្មែរ ដែលវិលត្រឡប់ប្រទេសថៃ ចូលមកកម្ពុជា តាមច្រកអូរបីជាន់ សរុបប្រមាណជា៦ម៉ឺននាក់ តែនូវមិនទាន់មានអ្នកកើតជំងឺឆ្លងនេះនៅឡើយទេសម្រាប់ក្នុងខេត្តបន្ទាយមានជ័យ៕
