តម្លៃទីផ្សារប៉ិកគួកឆ្នាំនេះថោកជាងឆ្នាំមុនតែតម្លៃថេ មិនឡើងចុះ ចំណែកទិនផលក៏មានការថយចុះដោយសារភ្លៀងធ្លាក់ជោកជាំ និងមានមេរោគច្រើន
ខេត្តបន្ទាយមានជ័យ៖ដោយសារតែឆ្នាំនេះមានភ្លៀងធ្លាក់ជោគជាំ ហើយការដាំដុះដំណាំប៉ិកគួករបស់ប្រជាកសិករពិបាកក្នុងការថែ ដោយសារតែមានមេរោគច្រើន ជាហេតុនាំឲ្យទិនផលមានការថយចុះជាងឆ្នាំមុន ក៏ប៉ុន្តែតម្លៃល្អជាងឆ្នាំមុនត្រង់តែនៅថេមិនឡើងមិនចុះដូចឆ្នាំមុន។
បើតាមប្រជាកសិករ រស់នៅភូមិពង្រ សង្កាត់កំពង់ស្វាយ ក្រុងសិរីសោភ័ណ្ឌ ខេត្តបន្ទាយមានជ័យ បានឲ្យដឹងថា ដំណាំប៉ិកគួកឆ្នាំនេះទទួលបានផលចាញ់ឆ្នាំមុនពោលគឺថយចុះ មូលហេតុគឺមកពីភ្លៀងធ្លាក់ច្រើន ដីឡើងជាំបណ្តាលឲ្យគ្រាំងចុះមិនស្អាត ធ្វើឲ្យឡើងសម្បុរក្រហម ហើយទីផ្សារក៏វាយ៉ាប់ទៀត ក៏ប៉ុន្តែបើសិនជាប៉ិកគួកស្អាតក៏គ្រាន់បើដែរ ទោះជាថោកក៏ពិតមែនតែតម្លៃវានៅថេ ដោយឆ្នាំមុនលក់ក្នុង១គីឡូក្រាមតម្លៃ១៥០០រៀល តែឆ្នាំនេះលក់បានត្រឹមតែ១គីឡូក្រាមតម្លៃ១២០០រៀល ទៅ១៣០០រៀលតែប៉ុណ្ណោះ ដោយសារតែឆ្នាំនេះជួបវិបត្តិជំងឺឆ្លងកូវីដ១៩ផង ទើបបណ្តាលឲ្យស្ងាត់មិនសូវមានអ្នកមកទិញ។ដោយឡែក ការទូទាត់សោហុយចំណាយទាំងអស់ក្នុងឆ្នាំនេះក្រោយពីប្រមូលផលហើយប្រហែលជាម៉ាទប់ទល់អាចរួចខ្លួន បើសិនជាខាតក៏ខាតបន្តិចបន្តួច។
ពួកគាត់បញ្ចាក់ថា ដំណាំប៉ិកគួកនេះបើធ្វើត្រូវវារយះពេល៣ខែជាង ទើបទទួលបានផលសម្រាប់ពូជស្រាល ចំណែងពូជធ្ងន់គឺរយះពេលជាង៥ខែឯណោះទើបទទួលបានផល។ជាងនេះទៅទៀតរាល់ដីដែលដាំដុះ ត្រូវផ្លាស់ប្តូ(ឆ្លាស់)ដាំណាំ«ឧទាហរ ឆ្នាំនេះដាំប៉ិកគួក ឆ្នាំក្រោយត្រូវដាំដំឡូង»ទើបអាចទទួលបានផលល្អ៕
